WEBDUNIA|
Last Updated:
ബുധന്, 23 ഏപ്രില് 2014 (13:08 IST)
PRO
PRO
കായികക്കുതിപ്പിന്റെ ആവേശപ്പോരാട്ടങ്ങള്ക്ക് ഇനി എട്ട് ദിവസങ്ങള് മാത്രം. ഓരോ അണുവിലും വാശിയും ആവേശവും നിറച്ച് പ്രതിഭയുടെ മിന്നല്പ്പിണരാകാന് താരങ്ങള് ഒരുങ്ങിക്കഴിഞ്ഞു. നേട്ടങ്ങളുടെ കൊടുമുടിയിലേക്ക് ഓടിയും ചാടിയും വിസ്മയങ്ങള് തീര്ക്കാന് താരങ്ങള്ക്ക് വേണ്ട എല്ലാ സൌകര്യങ്ങളുമായി ലണ്ടനിലെ മത്സര മൈതാനങ്ങളും ഒരുങ്ങിക്കഴിഞ്ഞു. ഒളിമ്പിക്സിലെ സുവര്ണനേട്ടങ്ങളുടെയും നിമിഷങ്ങളുടെ മാത്രം പിഴവിലെ നഷ്ടങ്ങളുടെയും ചരിത്ര കൌതുകങ്ങളുടെയും വിവരണങ്ങളും വാര്ത്തകളുമായി വെബ്ദുനിയയും ഈ ആവേശത്തില് പങ്കുചേരുന്നു. പ്രത്യേക ഒളിമ്പിക്സ് വാര്ത്തകള് ദിവസവും വെബ്ദുനിയയില് വായിക്കാം.
ഇരുകാലുകളുമില്ലാത്ത ഒരു അത്ലറ്റ് ചരിത്രം കുറിക്കാന് ഒരുങ്ങുകയാണ്. ലണ്ടന് ഒളിമ്പിക്സില് കൃത്രിമക്കാലുമായി ഓടി ചരിത്രം കുറിക്കാന് ഒരുങ്ങുന്നത് ദക്ഷിണാഫ്രിക്കയുടെ ഓസ്കാര് പിസ്റ്റോറിയസാണ്. കൃത്രിമക്കാല് ഘടിപ്പിച്ച് ഒളിമ്പിക്സില് മത്സരിക്കുന്ന ആദ്യ ഓട്ടക്കാരനെന്ന ബഹുമതിയാണ് കാലുകളില്ലാത്ത ലോകത്തിലെ ഏറ്റവും വേഗതയേറിയ ഓട്ടക്കാരന് സ്വന്തമാക്കുക.
കാര്ബണ് ഫൈബറില് നിര്മിച്ച കൃത്രിമക്കാലുകള് ഉപയോഗിച്ചാണ് ഓസ്കാര് പിസ്റ്റോറിയസ് ഒളിമ്പിക്സില് മത്സരിക്കുക. ബ്ലെയ്ഡ് റണ്ണര് എന്നറിയപ്പെടുന്ന ഓസ്കാര് പിസ്റ്റോറിയസ് 400 മീറ്ററിലും 4-400 മീറ്റര് റിലേയിലുമാണ് മത്സരിക്കുക.
ഇരു കാല്വണ്ണകളിലും എല്ലില്ലാതെയായിരുന്നു പിസ്റ്റോറിയസ് ജനിച്ചത്. 11 മാസം പ്രായമുള്ളപ്പോള് മുട്ടിനുതാഴെ കൃത്രിമക്കാല് ഘടിപ്പിക്കുകയായിരുന്നു. പാരലിമ്പിക്സില് 100മീറ്റര്, 200മീറ്റര്, 400മീറ്റര് എന്നിവയില് തുടര്ച്ചയായി പിസ്റ്റോറിയസ് ചാമ്പ്യനായിട്ടുണ്ട്. 2010-ല് കൊറിയയിലെ ദെയ്ഗു ലോകചാമ്പ്യന്ഷിപ്പി 400 മീറ്ററില് സെമിഫൈനലിലെത്തിയിരുന്നു. ഫൈനലില് ഓടാനിറങ്ങിയില്ലെങ്കിലും 4-400 മീറ്ററില് വെള്ളിനേടിയ ദക്ഷിണാഫ്രിക്കന് ടീമിലും ഓസ്കാര് പിസ്റ്റോറിയസ് അംഗമായിരുന്നു.
ഒളിമ്പിക്സ് വാര്ത്തകള് വായിക്കാന് ചുവടെ ക്ലിക്ക് ചെയ്യുക