ഒരേ ഒളിമ്പിക്സില്‍ ഇരട്ടകള്‍ സ്വര്‍ണം വെടിവെച്ചിട്ടു!
WEBDUNIA|
Last Updated:
ബുധന്‍, 23 ഏപ്രില്‍ 2014 (13:08 IST)
PRO
PRO
കായികക്കുതിപ്പിന്റെ ആവേശപ്പോരാട്ടങ്ങള്‍ക്ക് ഇനി പതിനാല് നാളുകള്‍ മാത്രം. ഓരോ അണുവിലും വാശിയും ആവേശവും നിറച്ച് പ്രതിഭയുടെ മിന്നല്‍‌പ്പിണരാകാന്‍ താരങ്ങള്‍ ഒരുങ്ങിക്കഴിഞ്ഞു. നേട്ടങ്ങളുടെ കൊടുമുടിയിലേക്ക് ഓടിയും ചാടിയും വിസ്മയങ്ങള്‍ തീര്‍ക്കാന്‍ താരങ്ങള്‍ക്ക് വേണ്ട എല്ലാ സൌകര്യങ്ങളുമായി ലണ്ടനിലെ മത്സര മൈതാനങ്ങളും ഒരുങ്ങിക്കഴിഞ്ഞു. ഒളിമ്പിക്സിലെ സുവര്‍ണനേട്ടങ്ങളുടെയും നിമിഷങ്ങളുടെ മാത്രം പിഴവിലെ നഷ്ടങ്ങളുടെയും ചരിത്ര കൌതുകങ്ങളുടെയും വിവരണങ്ങളും വാര്‍ത്തകളുമായി വെബ്ദുനിയയും ഈ ആവേശത്തില്‍ പങ്കുചേരുന്നു. പ്രത്യേക ഒളിമ്പിക്സ് വാര്‍ത്തകള്‍ ദിവസവും വെബ്ദുനിയയില്‍ വായിക്കാം.
ഒരേ ഒളിമ്പിക്സില്‍ ഇരട്ടകള്‍ സ്വര്‍ണം വെടിവെച്ചിട്ടു!
ഒരേ കുടുംബത്തിലുള്ളവര്‍ ഒളിമ്പിക്സില്‍ സ്വര്‍ണം നേടിയത് അപൂര്‍വതയാണ്. ഒരേ ഒളിമ്പിക്സില്‍ ഇരട്ടകള്‍ സ്വര്‍ണം നേടിയാലോ? അത് അത്യപൂര്‍വ സംഭവമാണ്. അങ്ങനെ ഒളിമ്പിക്സ് ചരിത്രത്തില്‍ ഇരട്ടകള്‍ സ്വര്‍ണം നേടിയ സംഭവമുണ്ട്. സ്വീഡിഷ് സഹോദരന്‍‌മാരായ വില്ലെം കാള്‍ബേര്‍ഗും എറിക് കാള്‍ബേര്‍ഗുമാണ് സ്വര്‍ണനേട്ടം സ്വന്തമാക്കിയ ഇരട്ടകള്‍.
ഇരുവരും ഷൂട്ടിംഗ് താരങ്ങളായിരുന്നു. 1912ല്‍ നടന്ന ഒളിമ്പിക്സിലാണ് ഷൂട്ടിംഗില്‍ ഇരുവരും സ്വര്‍ണം നേടിയത്. വില്ലെം കാള്ബേര്ഗ് ഈ ഒളിമ്പിക്സില്‍ മൂന്ന് സ്വര്‍ണ മെഡലുകളാണ് നേടിയത്. എറിക് കാള്ബേര്ഗ് ഈ ഒളിമ്പിക്സില്‍ രണ്ട് സ്വര്‍ണ മെഡലുകളും സ്വന്തമാക്കി.
വ്യത്യസ്ത ഒളിമ്പിക്സുകളിലായി വില്ലെം കാള്‍ബേഗ് നാല് വെള്ളി മെഡലുകളും ഒരു വെങ്കല മെഡലും സ്വന്തമാക്കിയിട്ടുണ്ട്. എറിക് കാള്ബേര്ഗ് മൂന്ന് വെള്ളി മെഡലുകളും സ്വന്തമാക്കിയിട്ടുണ്ട്.
ഒളിമ്പിക്സ് വാര്‍ത്തകള്‍ വായിക്കാന്‍ ചുവടെ ക്ലിക്ക് ചെയ്യുക
