WEBDUNIA|
Last Updated:
ബുധന്‍, 23 ഏപ്രില്‍ 2014 (13:08 IST)
PRO
PRO
കായികക്കുതിപ്പിന്റെ ആവേശപ്പോരാട്ടങ്ങള്‍ക്ക് ഇനി പതിനേഴ് നാളുകള്‍ മാത്രം. ഓരോ അണുവിലും വാശിയും ആവേശവും നിറച്ച് പ്രതിഭയുടെ മിന്നല്‍‌പ്പിണരാകാന്‍ താരങ്ങള്‍ ഒരുങ്ങിക്കഴിഞ്ഞു. നേട്ടങ്ങളുടെ കൊടുമുടിയിലേക്ക് ഓടിയും ചാടിയും വിസ്മയങ്ങള്‍ തീര്‍ക്കാന്‍ താരങ്ങള്‍ക്ക് വേണ്ട എല്ലാ സൌകര്യങ്ങളുമായി ലണ്ടനിലെ മത്സര മൈതാനങ്ങളും ഒരുങ്ങിക്കഴിഞ്ഞു. ഒളിമ്പിക്സിലെ സുവര്‍ണനേട്ടങ്ങളുടെയും നിമിഷങ്ങളുടെ മാത്രം പിഴവിലെ നഷ്ടങ്ങളുടെയും ചരിത്ര കൌതുകങ്ങളുടെയും വിവരണങ്ങളും വാര്‍ത്തകളുമായി വെബ്ദുനിയയും ഈ ആവേശത്തില്‍ പങ്കുചേരുന്നു. പ്രത്യേക ഒളിമ്പിക്സ് വാര്‍ത്തകള്‍ ദിവസവും വെബ്ദുനിയയില്‍ വായിക്കാം.
പത്താം വയസില്‍ ഒളിമ്പിക്സ് മെഡല്‍!
പത്താം വയസില്‍ ഒളിമ്പിക്സ് മെഡല്‍ - ഈ സുവര്‍ണനേട്ടം സ്വന്തമാക്കിയത് ഗ്രീക്ക് ജിംനാസ്റ്റായ ദിമിത്രിയസ് ലോണ്ട്രാസ് ആണ്. ഏറ്റവും ചെറിയ പ്രായത്തില്‍ ഒളിമ്പിക്സ് മെഡല്‍ നേടിയ താരമായി ചരിത്രത്തില്‍ രേഖപ്പെടുത്തിയിരിക്കുന്നതും ദിമിത്രിയസ് ലോണ്‍‌ട്രാസിനെയാണ്. 1896 ഏതന്‍‌സ് ഒളിമ്പിക്സില്‍ ടീം ഇനത്തില്‍ വെങ്കല മെഡല്‍ സ്വന്തമാക്കുമ്പോള്‍ ദിമിത്രിയസ് ലോണ്‍‌ട്രാസിന് പ്രായം 10 വര്‍ഷവും 218 ദിവസവുമാണ്.
വ്യക്തിഗത ഇനത്തില്‍ ഒളിമ്പിക്സ് മെഡല്‍ നേടിയ ഏറ്റവും പ്രായം കുറഞ്ഞ താരം ഡെന്‍‌മാര്‍ക്കിന്റെ നില്‍‌സ് സ്കോഗ്ലണ്ട് ആണ്. 14 വര്‍ഷവും 11 ദിവസവും പ്രായമുള്ളപ്പോള്‍ 1920 ഒളിമ്പിക്സില്‍ ഹൈഡൈവിംഗില്‍ നില്‍‌സ് സ്കോഗ്ലണ്ട് വെള്ളി മെഡല്‍ നേടി.
ഡെന്‍‌മാര്‍ക്കിന്റെ സൊറെന്സെന് ആണ് ഒളിമ്പിക്സ് മെഡല്‍ നേടിയ ഏറ്റവും പ്രായം കുറഞ്ഞ വനിതാ താരം. 12 വയസും 24 ദിവസവും പ്രായമുള്ളപ്പോള്‍, 1936 ഒളിമ്പിക്സില്‍ സൊറെന്സെന് വെങ്കല മെഡല്‍ നേടിയിരുന്നു.
ഒളിമ്പിക്സ് വാര്‍ത്തകള്‍ വായിക്കാന്‍ ചുവടെ ക്ലിക്ക് ചെയ്യുക
