WEBDUNIA|
Last Updated:
ബുധന്, 23 ഏപ്രില് 2014 (13:08 IST)
PRO
PRO
കായികക്കുതിപ്പിന്റെ ആവേശപ്പോരാട്ടങ്ങള്ക്ക് ഇനി പതിനെട്ട് നാളുകള് മാത്രം. ഓരോ അണുവിലും വാശിയും ആവേശവും നിറച്ച് പ്രതിഭയുടെ മിന്നല്പ്പിണരാകാന് താരങ്ങള് ഒരുങ്ങിക്കഴിഞ്ഞു. നേട്ടങ്ങളുടെ കൊടുമുടിയിലേക്ക് ഓടിയും ചാടിയും വിസ്മയങ്ങള് തീര്ക്കാന് താരങ്ങള്ക്ക് വേണ്ട എല്ലാ സൌകര്യങ്ങളുമായി ലണ്ടനിലെ മത്സര മൈതാനങ്ങളും ഒരുങ്ങിക്കഴിഞ്ഞു. ഒളിമ്പിക്സിലെ സുവര്ണനേട്ടങ്ങളുടെയും നിമിഷങ്ങളുടെ മാത്രം പിഴവിലെ നഷ്ടങ്ങളുടെയും ചരിത്ര കൌതുകങ്ങളുടെയും വിവരണങ്ങളും വാര്ത്തകളുമായി വെബ്ദുനിയയും ഈ ആവേശത്തില് പങ്കുചേരുന്നു. പ്രത്യേക ഒളിമ്പിക്സ് വാര്ത്തകള് ദിവസവും വെബ്ദുനിയയില് വായിക്കാം.
ഒളിമ്പിക്സില് സ്വര്ണം നേടുമ്പോള് പ്രായം 64!
PRO
PRO
പ്രായം ഒരു പ്രശ്നമല്ല ഓസ്കാര് സ്വാന്. അതുകൊണ്ടാണ് എഴുപത്തിരണ്ടാം വയസ്സിലും ഓസ്കാര് സ്വാന് ഒളിമ്പിക്സില് മത്സരിക്കാനായത്. 1920 ഒളിമ്പിക്സില് ഷൂട്ടിംഗില് മത്സരിച്ചപ്പോള്, സ്വീഡന്റെ ഓസ്കാര് സ്വാന് പ്രായം 72 വര്ഷവും 281 ദിവസവുമായിരുന്നു. ഏറ്റവും പ്രായമുള്ള ഒളിമ്പ്യന് എന്ന വിശേഷണമുള്ള ഓസ്കാര് സ്വാന് 1924 ഒളിമ്പിക്സിലും യോഗ്യത നേടിയിരുന്നെങ്കിലും മത്സരിക്കാതെ പിന്മാറുകയായിരുന്നു.
ഒളിമ്പിക്സില് സ്വര്ണം നേടിയ ഏറ്റവും പ്രായമുള്ള താരവും ഓസ്കാര് സ്വാനാണ്. 64 വര്ഷവും 280 ദിവസവും പ്രായമുള്ളപ്പോള് 1912 ഒളിമ്പിക്സിലാണ് ഓസ്കാര് സ്വാന് സ്വര്ണം നേടിയത്.
ഓസ്കാര് സ്വാന് മൂന്ന് സ്വര്ണ മെഡലുകളാണ് ഒളിമ്പിക്സില് നേടിയിട്ടുള്ളത്. ഒരു വെള്ളി മെഡലും രണ്ട് വെങ്കല മെഡലുകളും ഓസ്കാര് സ്വാന് ഒളിമ്പിക്സില് സ്വന്തമാക്കിയിട്ടുണ്ട്.
ഇത്തവണ ഒളിമ്പിക്സില് എഴുപത്തിയൊന്നുകാരന് മത്സരിക്കുന്നുണ്ട്. അശ്വാഭ്യാസത്തില് മത്സരിക്കുന്ന, ജപ്പാന്റെ ഹിറോഷിയാണ് ഈ താരം. 2008 ഒളിമ്പിക്സിലും ഹിറോഷി മത്സരിച്ചിരുന്നു.
ഒളിമ്പിക്സ് വാര്ത്തകള് വായിക്കാന് ചുവടെ ക്ലിക്ക് ചെയ്യുക