അനുബന്ധ വാര്ത്തകള്
- ഇലക്ട്രിക്ക് വാഹന സര്വീസിങ് പഠിക്കണോ; കേരള സര്ക്കാര് സ്ഥാപനമായ അസാപ് കേരള അപേക്ഷകള് ക്ഷണിച്ചു
- തെക്കന് ജില്ലകളില് പരക്കെ മഴ; മുന്നറിയിപ്പുമായി കാലാവസ്ഥാ വകുപ്പ്
- ഡല്ഹിയില് കേരളത്തിലെ എംപിമാര് ഒറ്റക്കെട്ടായി പ്രവര്ത്തിക്കണം: മുഖ്യമന്ത്രി വിഡി സതീശന്
- ഭാര്യയെ കഴുത്തുഞെരിച്ച് കൊലപ്പെടുത്തിയെന്ന് യുവാവിന്റെ കുറ്റസമ്മതം; വീട്ടിലെത്തിയപ്പോള് പോലീസും പ്രതിയും ഞെട്ടി
- ഉസ്ബെക്കിസ്ഥാനിലെ മലയാളി വിദ്യാര്ത്ഥിനിയുടെ കൊലപാതകം: സവാരിയയെ മതം മാറാന് പ്രതി നിര്ബന്ധിച്ചെന്ന് ആരോപിച്ച് കുടുംബം
മേപ്പാടി ദുരന്തം: മീനാക്ഷി പുഴയില് നിന്ന് ഒരു മൃതദേഹം കൂടി കണ്ടെത്തി, മരണം ഏഴായി
മേപ്പാടി ദുരന്തത്തില് മീനാക്ഷി പുഴയില് നിന്ന് ഒരു മൃതദേഹം കൂടി കണ്ടെത്തി. ഇതോടെ മരണം ഏഴായി. കാലാവസ്ഥാ അനുകൂലമായതും പുഴയിലെ വെള്ളം തെളിഞ്ഞതുമാണ് തിരച്ചില് ദൗത്യത്തിന് സഹായകരമായത്. മണ്ണുമാന്തി യന്ത്രം ഉപയോഗിച്ച് പുഴയില് നിന്ന് മണ്ണ് നീക്കം ചെയ്യുന്നതിനിടയിലാണ് മൃതദേഹം ശ്രദ്ധയില്പ്പെട്ടത്. കണ്സ്ട്രക്ഷന് മാനേജര് വിക്രം റാണ, സര്വൈവര് രാകേഷ് എന്നിവരെയാണ് കണ്ടെത്താനുള്ളത്. മൃതദേഹം ഇവരില് ആരുടേതാണെന്ന് സ്ഥിരീകരിക്കാനുള്ള പരിശോധനകള് നടന്നു വരികയാണ്.
കഴിഞ്ഞദിവസം മൂന്നുപേരുടെ മൃതദേഹമാണ് കണ്ടെത്താനായത്. കഴിഞ്ഞ ദിവസം രാവിലെ 9 മണിയോടെയാണ് മീനാക്ഷി പാലത്തിന്റെ ഇടതുവശത്തുനിന്ന് ഇമ്രാന്റെ മൃതദേഹം ലഭിച്ചത്. മീനാക്ഷി പുഴയില് ബസ് വീണതിന് സമീപത്തുനിന്ന് പത്തുമണിയോടെ എന്ജിനീയര് രാഹുല് ശര്മയുടെ മൃതദേഹവും 12 മണിയോടെ വലതുഭാഗത്തുനിന്ന് ഉത്തര്പ്രദേശ് വാരണാസി സ്വദേശി അസ്ഹറുദ്ദീന് അന്സാരിയുടെ മൃതദേഹവും കണ്ടെത്തി.
