അനുബന്ധ വാര്ത്തകള്
- ട്രംപിന്റേത് പാഴ്വാക്ക്, ഇറാന്റെ ആണവകേന്ദ്രങ്ങളില് കടുത്ത ആക്രമണം അഴിച്ചുവിട്ട് ഇസ്രായേല്, തിരിച്ചടിക്കുമെന്ന് ഇറാന്
- ഇറാന് യുദ്ധം ഇന്ത്യയുടെ ബിയര് ഉത്പാദനം 50% കുറയ്ക്കുമെന്ന് ബ്രൂവര്മാരുടെ മുന്നറിയിപ്പ്
- ചർച്ചകളും വെടിനിർത്തലും ഒരു വഴിക്ക്, മറു വഴിക്ക് 10,000 യുഎസ് സൈനികർ കൂടി പശ്ചിമേഷ്യയിലേക്ക്, അണിയറയിൽ വൻ നീക്കങ്ങൾ
- ഇറാൻ അഭ്യർഥിച്ചു, ഊർജകേന്ദ്രങ്ങൾക്ക് നേരെയുള്ള ആക്രമണം 10 ദിവസം നിർത്തിവെയ്ക്കുന്നതായി ട്രംപ്
- ഇറാന്റെ ബുഷെഹർ ആണവനിലയം തൊട്ട് കളിക്കരുത്, റഷ്യൻ ജീവനക്കാരെ അപകടത്തിലാക്കും, പ്രത്യാഘാതം പരിഹരിക്കാനാവില്ല: ഇസ്രായേലിന് മുന്നറിയിപ്പ് നൽകി റഷ്യ
ആയത്തൊള്ള ഖമേനിയുടെ ഫത്വ തിരുത്താൻ സമയമായി, ഇറാൻ ആണവായുധം വികസിപ്പിക്കണമെന്ന ആവശ്യവുമായി തീവ്രനിലപാടുകാർ
ഖമനെയിയുടെ മരണശേഷം ഇറാന്റെ പ്രതിരോധ നിയന്ത്രണം ഏറ്റെടുത്ത റെവല്യൂഷണറി ഗാര്ഡിനകത്തും പുറത്തും ഈ ആവശ്യം ശക്തമാണ്.
പശ്ചിമേഷ്യയിലെ യുദ്ധാന്തരീക്ഷം കൂടുതല് സങ്കീര്ണമാകുന്നതിനിടെ ഇറാന് ആണവായുധം നിര്മ്മിക്കണമെന്ന ആവശ്യം രാജ്യത്തിനുള്ളില് ശക്തമാകുന്നു. ഇസ്രായേല്-അമേരിക്കന് സൈനിക ഭീഷണികള് രൂക്ഷമാകുന്ന പശ്ചാത്തലത്തില്, ഇറാനിലെ തീവ്ര നിലപാടുകാരാണ് രാജ്യത്തിന്റെ സുരക്ഷയ്ക്കായി ഇറാന് ആണവായുധം വികസിപ്പിക്കണമെന്ന അഭിപ്രായവുമായി രംഗത്ത് വന്നിരിക്കുന്നത്. ഇറാന്റെ പരമോന്നത നേതാവായിരുന്ന ആയത്തൊള്ള അലി ഖമനേയി ആണവായുധം നിഷിദ്ധമാണെന്ന് പറഞ്ഞിട്ടുള്ള ഫത്വ തിരുത്തണമെന്ന ആവശ്യമാണ് ഇറാനിലെ തീവ്രനിലപാടുകാര്ക്കുള്ളത്. അന്താരാഷ്ട്ര വാര്ത്താ ഏജന്സി റോയിട്ടേഴ്സാണ് വാര്ത്ത റിപ്പോര്ട്ട് ചെയ്തത്.
ഖമനെയിയുടെ മരണശേഷം ഇറാന്റെ പ്രതിരോധ നിയന്ത്രണം ഏറ്റെടുത്ത റെവല്യൂഷണറി ഗാര്ഡിനകത്തും പുറത്തും ഈ ആവശ്യം ശക്തമാണ്. അമേരിക്കയ്ക്കും ഇസ്രായേലിനും ശക്തമായ മറുപടി നല്കാന് ആണവശേഷി മാത്രമാണ് ഏകപോംവഴിയെന്ന് ഇവര് വാദിക്കുന്നു. എന്നിരുന്നാലും, ഇറാന്റെ ഔദ്യോഗിക ആണവനയത്തില് ഇതുവരെ യാതൊരു മാറ്റവും വരുത്തിയിട്ടില്ല. ഈ ആവശ്യങ്ങളോട് ഇറാന് സര്ക്കാര് ഇതുവരെ ഔദ്യോഗികമായി പ്രതികരിച്ചിട്ടുമില്ല.
