'റാം' ചിത്രീകരണം പൂര്ത്തിയായിട്ടില്ല, അടുത്ത ലൊക്കേഷനിലേക്കുള്ള യാത്രയില് മോഹന്ലാല്
റാം ചിത്രീകരണ തിരക്കിലാണ് മോഹന്ലാലും ജീതു ജോസഫും. ഇരുവരും സിനിമയുടെ ചിത്രീകരണത്തിന്റെ ഭാഗമായി അടുത്ത ലൊക്കേഷനിലേക്കുള്ള യാത്രയിലാണ്.മൊറോക്കോയിലാണ് റാമിന്റെ ഇനിയുള്ള ഭാഗങ്ങള് ചിത്രീകരിക്കുക.
'അടുത്ത സ്ഥലത്തേക്കുള്ള റാം ബോര്ഡിംഗ്.... എര്ഫൗഡ്, മൊറോക്കോ'- ജീത്തു ജോസഫ് മോഹന്ലാലിനൊപ്പം ഉള്ള ചിത്രങ്ങള് പങ്കുവെച്ചുകൊണ്ട് കുറിച്ചു.
കിഴക്കന് മൊറോക്കോയിലെ ഡ്രാ-ടാഫിലാലെറ്റ് മേഖലയിലെ സഹാറ മരുഭൂമിയിലെ ഒരു മരുപ്പച്ച പട്ടണമാണ് എര്ഫൗഡ്. നിരവധി സിനിമകളാണ് ഇവിടെ ചിത്രീകരിച്ചിട്ടുള്ളത്.ചലച്ചിത്ര പ്രവര്ത്തകരുടെ ഇഷ്ട ലൊക്കേഷനുകളില് ഒന്നാണ് എര്ഫൗഡ്.
