അനുബന്ധ വാര്ത്തകള്
- ഇനി നോമ്പുകാലം; സംസ്ഥാനത്ത് റംസാന് വ്രതം ആരംഭിച്ചു
- ചൂടുകാലത്ത് നിര്ബന്ധമായും രാവിലെ എഴുന്നേറ്റയുടന് വെള്ളം കുടിക്കണം
- കെഎസ്ആര്ടിസി ബസ്സില് നോട്ട് കീറിയതാണെന്ന് പറഞ്ഞ് വനിതാ കണ്ടക്ടര് എട്ടാം ക്ലാസ് വിദ്യാര്ത്ഥിയെ നട്ടുച്ചയ്ക്ക് റോഡില് ഇറക്കി വിട്ടു; സ്വന്തം മകനാണെങ്കില് ഇറക്കി വിടുമോയെന്ന് ഗണേഷ് കുമാര് എംഎല്എ
- തിരുവനന്തപുരം ലേഡീസ് ഹോസ്റ്റലിനു മുന്നിലെത്തി പതിവായി നഗ്നത പ്രദര്ശനം നടത്തുന്ന ഓട്ടോ ഡ്രൈവര് പിടിയിലായി
- ആലപ്പുഴ നഗരത്തില് ഫോര്മാലിന് കലര്ന്നതും പഴകിയതുമായ 343 കിലോമത്സ്യങ്ങള് പിടിച്ചെടുത്തു നശിപ്പിച്ചു
കോവിഡ് പുതിയ വകഭേദത്തിന് വ്യാപനശേഷി കൂടുതല്; സംസ്ഥാനത്ത് ആശുപത്രികളില് ചികിത്സയിലുള്ളത് 111 പേര്
തിരുവനന്തപുരം: സംസ്ഥാനത്ത് കോവിഡ് കേസുകളില് നേരിയ വര്ധനവെന്ന് ആരോഗ്യ വകുപ്പ് മന്ത്രി വീണാ ജോര്ജ്. ചൊവ്വാഴ്ച 172 കേസുകളാണ് ഉണ്ടായിരുന്നത്. തിരുവനന്തപുരം, എറണാകുളം ജില്ലകളിലാണ് കോവിഡ് കേസുകള് കൂടുതല്. ആകെ 1026 കോവിഡ് ആക്ടീവ് കേസുകളാണുള്ളത്. 111 പേരാണ് ആശുപത്രികളില് ചികിത്സയിലുള്ളത്. എല്ലാ ജില്ലകള്ക്കും ജാഗ്രതാ നിര്ദേശം നല്കിയിട്ടുണ്ട്. നിരീക്ഷണം ശക്തിപ്പെടുത്താന് മന്ത്രി നിര്ദേശം നല്കി.
സംസ്ഥാനത്തെ കോവിഡ് സ്ഥിതി വിലയിരുത്തുന്നതിന് മന്ത്രി വീണാ ജോര്ജിന്റെ നേതൃത്വത്തില് ഉന്നതതല യോഗം ചേര്ന്നു. ദിവസവും കോവിഡ് കേസുകള് ആരോഗ്യ വകുപ്പ് അവലോകനം ചെയ്തു വരുന്നു. സംസ്ഥാനത്ത് കോവിഡ് ക്ലസ്റ്ററുകള് രൂപപ്പെട്ടിട്ടില്ല. ആശുപത്രി സജ്ജീകരണങ്ങള്ക്കായി ജില്ലകളും ആശുപത്രികളും സര്ജ് പ്ലാന് തയ്യാറാക്കണം. കോവിഡ് രോഗികള് വര്ധിക്കുന്നത് മുന്നില് കണ്ട് ഐസിയു, വെന്റിലേറ്റര് ആശുപത്രി സംവിധാനങ്ങള് കൂടുതല് മാറ്റിവയ്ക്കാനും മന്ത്രി നിര്ദേശം നല്കി. പുതിയ വകഭേദം വന്നിട്ടുണ്ടോയെന്നറിയാന് ജിനോമിക് പരിശോധനകള് വര്ധിപ്പിക്കും. മെഡിക്കല് കോളേജുകളില് കോവിഡ് രോഗികളുടെ എണ്ണം കൂടിയിട്ടില്ല. ആവശ്യമായ പരിശോധന കിറ്റുകളും മരുന്നുകളും സജ്ജമാക്കാന് കെ.എം.എസ്.സി.എല്ലിന് നിര്ദേശം നല്കി.
കോവിഡ് പുതിയ വകഭേദത്തിന് വ്യാപനശേഷി കൂടുതലാണ്. അതിനാല് സ്വയം പ്രതിരോധമാണ് ഏറ്റവും പ്രധാനം. കോവിഡ് പ്രതിരോധത്തിന് മാസ്ക് ധരിക്കേണ്ടതാണ്. മറ്റ് രോഗമുള്ളവരും, പ്രായമായവരും, കുട്ടികളും, ഗര്ഭിണികളും പ്രത്യേകം ശ്രദ്ധിക്കണം. അവര് പൊതുസ്ഥലങ്ങളില് പോകുമ്പോള് മാസ്ക് കൃത്യമായി ധരിക്കണം. ആശുപത്രികളില് എത്തുന്നവരെല്ലാവരും നിര്ബന്ധമായും മാസ്ക് ധരിക്കണം.
