തെലുങ്ക് ചിത്രം 'ഹേ ഭഗവാന്' പ്രദര്‍ശനാനുമതി നിഷേധിച്ച് സെന്‍സര്‍ ബോര്‍ഡ്. പേരിലെ ഭഗവാന്‍ എന്ന വാക്കാണ് ഇതിനു കാരണമായത്. ഒടുവില്‍ സിനുമയുടെ റലീസിന് നാലു ദിവസം മുന്‍പ് 'ഹേ ഭഗവാന്‍' മാറ്റി 'ഹേ ബലവന്ദ്' എന്നാക്കി പ്രശ്‌നം പരിഹരിച്ചിരിക്കുകയാണ് ചിത്രത്തിന്റെ നിര്‍മാതാക്കള്‍. മതവികാരം വ്രണപ്പെടുമോ എന്ന ആശങ്കയാണ് സെന്‍സെര്‍ ബോര്‍ഡിന്റെ ഈയൊരു നടപടിക്ക് കാരണമെന്ന് ദേശീയ മാധ്യമങ്ങള്‍ റിപ്പോര്‍ട്ട് ചെയ്യുന്നു.

ഈ മാസം ഇരുപതിനാണ് ചിത്രത്തിന്റെ റലീസ്. പേരുമാറ്റിയെങ്കിലും ചിത്രത്തിലെ കോമഡികള്‍ക്ക് യാതൊരു മാറ്റവും ഉണ്ടാവില്ലെന്ന് ഇക്കാര്യം സ്ഥിരീകരിച്ച് നിര്‍മാതാക്കള്‍ എക്‌സില്‍ കുറിച്ചു.