അനുബന്ധ വാര്ത്തകള്
- മലപ്പുറത്ത് ഹാഷിഷ് ഓയിലുമായി മൂന്ന് യുവാക്കള് പിടിയിലായി
- കാട്ടാക്കടയില് മകളുടെ മുന്നില് വച്ച് പിതാവിനെ ക്രൂരമായി കെഎസ്ആര്ടിസി ജീവനക്കാര് മര്ദ്ദിച്ച സംഭവത്തില് ഹൈക്കോടതി റിപ്പോര്ട്ട് തേടി
- പാലക്കാട് വിറകുപുരയില് തൂക്കിയിട്ടിരുന്ന സഞ്ചിയില് കൈയിട്ട വീട്ടമ്മയ്ക്ക് പാമ്പുകടിയേറ്റ് ദാരുണന്ത്യം
- സംസ്ഥാനത്ത് റോഡ് നിര്മ്മാണ പ്രവര്ത്തനങ്ങളുടെ പരിശോധന ഇന്നുമുതല് ആരംഭിക്കും
- മഹാരാഷ്ട്രയില് പ്രധാനമന്ത്രിക്ക് ജന്മദിനാശംസകള് നേര്ന്നുകൊണ്ട് കര്ഷകന് ആത്മഹത്യ ചെയ്തു
സംസ്ഥാനത്ത് മൃഗങ്ങളുമായി ഇടപഴകുന്ന ജീവനക്കാര്ക്ക് സ്പെഷ്യല് വാക്സിനേഷന് ആരംഭിച്ചു
മൃഗങ്ങളുടെ വാക്സിനേഷന്, വന്ധ്യംകരണം എന്നിവയ്ക്കായി നായ ഉള്പ്പെടെയുള്ള മൃഗങ്ങളുമായി നേരിട്ട് ഇടപെടുന്ന ജീവനക്കാര്ക്ക് പേ വിഷബാധ പ്രതിരോധത്തിന് ആരോഗ്യ വകുപ്പ് പ്രത്യേക വാക്സിനേഷന് ആരംഭിച്ചു. മൃഗസംരക്ഷണ വകുപ്പും തദ്ദേശ സ്വയംഭരണ വകുപ്പും ചേര്ന്ന് നായകള്ക്ക് വാക്സിനേഷനും വന്ധ്യംകരണ ശസ്ത്രക്രിയയും നടത്തിവരികയാണ്. ഇവരില് ചിലര്ക്ക് നായകളില് നിന്നും കടിയേറ്റ സംഭവവുമുണ്ട്. ഇതുകൂടി കണക്കിലെടുത്താണ് സ്പെഷ്യല് വാക്സിനേഷന് ആരംഭിച്ചത്. വെറ്ററിനറി ഡോക്ടര്മാര്, ലൈവ് സ്റ്റോക്ക് ഇന്സ്പെക്ടര്മാര്, മൃഗങ്ങളെ പിടിക്കുന്നവര്, കൈകാര്യം ചെയ്യുന്നവര് എന്നിവര്ക്കാണ് വാക്സിന് നല്കുന്നത്. മൃഗങ്ങളുമായി ഇടപെടുന്ന എല്ലാ ജീവനക്കാരും പേ വിഷ പ്രതിരോധ വാക്സിന് എടുക്കണമെന്ന് ആരോഗ്യ വകുപ്പ് മന്ത്രി വീണാ ജോര്ജ്, മൃഗസംരക്ഷണ വകുപ്പ് മന്ത്രി ജെ. ചിഞ്ചു റാണി എന്നിവര് അഭ്യര്ത്ഥിച്ചു.
ആരോഗ്യ വകുപ്പിന്റെ പ്രതിരോധ കുത്തിവയ്പ്പിനുള്ള വിദഗ്ധ സമിതി പേ വിഷ പ്രതിരോധ വാക്സിനേഷന് വേണ്ടിയിട്ടുള്ള മാര്ഗനിര്ദേശങ്ങള് തയ്യാറാക്കി മൃഗസംരക്ഷണ വകുപ്പിനും തദ്ദേശസ്വയംഭരണ വകുപ്പിനും നല്കിയിട്ടുണ്ട്. മുമ്പ് വാക്സിന് എടുത്തവരേയും എടുക്കാത്തവരേയും തരംതിരിച്ചാണ് വാക്സിന് നല്കുന്നത്. മുമ്പ് വാക്സിന് എടുക്കാത്തവര്ക്ക് മൂന്ന് ഡോസ് വാക്സിനാണ് നല്കുന്നത്. ഇവര് 21 ദിവസം കഴിഞ്ഞിട്ട് മാത്രമേ മൃഗങ്ങളുമായി ഇടപെടാന് പാടുള്ളൂ. ഭാഗീകമായി വാക്സിനെടുത്തവരും വാക്സിന് എടുത്തതിന്റെ രേഖകള് ഇല്ലാത്തവരും ഇത്തരത്തില് മൂന്നു ഡോസ് വാക്സിന് എടുക്കണം.
