തൃശൂർ: സംസ്ഥാനത്തൊട്ടാകെ പടർന്നുപിടിക്കുന്ന പനിയുടെ ഭീതിക്ക് ആക്കം കൂട്ടി തൃശൂർ മെഡിക്കൽ കോളേജ് ആശുപത്രിയിൽ ചികിത്സയിലായിരുന്ന രണ്ടു സ്ത്രീകൾ മരിച്ചതായി റിപ്പോർട്ട്. കുര്യച്ചിറ കൊറ്റമ്പള്ളി സുനിലിന്റെ ഭാര്യ അനീഷ (35), നാട്ടികയിൽ താമസിക്കുന്ന ബംഗാൾ സ്വദേശിനി ജാസ്മിൻ (28) എന്നിവരാണ് മരിച്ചത്.

ഇതിൽ അനീഷ എന്ത് തരാം പണി ബാധിച്ചാണ് മരിച്ചതെന്ന് ഇതുവരെ സ്ഥിരീകരിച്ചിട്ടില്ല. എന്നാൽ ജാസ്മിൻ എലിപ്പനി ബാധിച്ചാണ് മരിച്ചതെന്ന് സ്ഥിരീകരിച്ചിട്ടുണ്ട്. ഇതുമായി ബന്ധപ്പെട്ടു ഇവർ താമസിച്ചിരുന്ന സ്ഥലത്തു നിന്ന് സാമ്പിളുകൾ ശേഖരിച്ചതായി ആരോഗ്യ വകുപ്പ് വിഭാഗം അറിയിച്ചു.

ഇതോടെ വിവിധ സാംക്രമിക രോഗങ്ങൾ ബാധിച്ചു ഒരു മാസത്തിനിടെ സംസ്ഥാനത്ത് മരിച്ചവരുടെ എണ്ണം 81 ആയി ഉയർന്നിട്ടുണ്ട്. ഇതിൽ 36 പേർ ഡെങ്കി പണി ബാധിച്ചാണ് മരിച്ചത്. കഴിഞ്ഞ ദിവസം മാത്രം ആകെ 12900 പേരാണ് പനിബാധിച്ചു വിവിധ ആശുപത്രികളിൽ ചികിത്സ തേടിയെത്തിയത്.