അനുബന്ധ വാര്ത്തകള്
- ഹോം ഗ്രൗണ്ടിലെ ചെന്നൈയുടെ അവസാന മത്സരം, ചെന്നൈയ്ക്ക് നിർണായകം, ധോനിയുടെ വിടവാങ്ങൽ മത്സരമെന്നും അഭ്യൂഹം
- മൂന്നാമതും തോറ്റു, ആറാം സ്ഥാനത്തേക്ക് വീണ് രാജസ്ഥാൻ, ചെന്നൈയ്ക്ക് മുന്നിൽ വീണ്ടും പ്ലേ ഓഫ് പ്രതീക്ഷകൾ
- CSK vs LSG : ജയിച്ചാൽ നാലാമത്, പ്ലേ ഓഫ് സാധ്യതകൾ സജീവമാക്കാം, ലഖ്നൗവിനെതിരെ ചെന്നൈയ്ക്ക് ഇന്ന് നിർണായക പോരാട്ടം
- IPL Playoff Chances : അഞ്ചാമതും പഞ്ചറായി പഞ്ചാബ്, പ്ലേ ഓഫിൽ ഇനിയുള്ള മത്സരങ്ങൾ നിർണായകം, ചെന്നൈയ്ക്ക് മുന്നിൽ കൂടുതൽ സാധ്യതകൾ
- സഞ്ജു സാംസണ് ഇതും വശമുണ്ടായിരുന്നോ?, ആർട്ടിസ്റ്റ് സഞ്ജുവിനെ റിവീൽ ചെയ്ത് ഭാര്യ ചാരുലത
Chennai Super Kings: ചെന്നൈ സൂപ്പർ കിങ്സ് പ്ലേ ഓഫ് കാണാതെ പുറത്തേക്ക്
മേയ് 21 നു ഗുജറാത്ത് ടൈറ്റൻസിനെതിരെയാണ് ചെന്നൈയുടെ അവസാന കളി
Chennai Super Kings: നിർണായക മത്സരത്തിൽ സൺറൈസേഴ്സ് ഹൈദരബാദിനോടു തോൽവി വഴങ്ങിയ ചെന്നൈ സൂപ്പർ കിങ്സ് പ്ലേ ഓഫ് കാണാതെ പുറത്തേക്ക്. ഹൈദരബാദിനോടു അഞ്ച് വിക്കറ്റിനാണ് ചെന്നൈ തോറ്റത്. ഇതോടെ 13 കളികളിൽ നിന്ന് 12 പോയിന്റുമായി ആറാം സ്ഥാനത്താണ് ചെന്നൈയുടെ സ്ഥാനം.
മേയ് 21 നു ഗുജറാത്ത് ടൈറ്റൻസിനെതിരെയാണ് ചെന്നൈയുടെ അവസാന കളി. ഇതിൽ ജയിച്ചാലും പ്ലേ ഓഫിലെത്താൻ ചെന്നൈയ്ക്കു സാധിക്കണമെന്നില്ല. 13 കളികളിൽ നിന്ന് 13 പോയിന്റുമായി പഞ്ചാബ് കിങ്സും 12 കളികളിൽ നിന്ന് 12 പോയിന്റുമായി രാജസ്ഥാൻ റോയൽസുമാണ് യഥാക്രമം നാലും അഞ്ചും സ്ഥാനങ്ങളിൽ. ശേഷിക്കുന്ന രണ്ട് മത്സരങ്ങളിൽ രണ്ടിലും ജയിച്ചാൽ രാജസ്ഥാനു 16 പോയിന്റാകും. ശേഷിക്കുന്ന ഒരു കളി ജയിച്ചാൽ പഞ്ചാബിനു 15 പോയിന്റും. രാജസ്ഥാൻ ശേഷിക്കുന്ന രണ്ടിൽ ഒരെണ്ണത്തിൽ ജയിച്ചാലും ചെന്നൈയുടെ പ്രതീക്ഷകൾ പൂർണമായി അസ്തമിക്കും.
മൂന്ന് ടീമുകൾ ഇതിനോടകം പ്ലേ ഓഫിലേക്കു ക്വാളിഫൈ ചെയ്തു. റോയൽ ചലഞ്ചേഴ്സ് ബെംഗളൂരു, ഗുജറാത്ത് ടൈറ്റൻസ്, സൺറൈസേഴ്സ് ഹൈദരബാദ് എന്നിവരാണ് പ്ലേ ഓഫ് ഉറപ്പിച്ചത്.
