നിക്കി ഗല്റാണിയ്ക്ക് കല്യാണം, വരന് തമിഴ് നടന് ?
തെന്നിന്ത്യന് സിനിമ പ്രേമികളുടെ ഇഷ്ട താരങ്ങളിലൊരാളാണ് നിക്കി ഗല്റാണി. 1983ലൂടെയാണ് വരവറിയിച്ച താരം. ഇപ്പോഴിതാ നടിയുടെ വിവാഹത്തെക്കുറിച്ചുള്ള വാര്ത്തകളാണ് പുറത്തുവരുന്നത്.
തമിഴ് യുവനടന് ആദിയുമായി നിക്കി പ്രണയത്തില് ആണെന്നാണ് പറയപ്പെടുന്നത്.വിവാഹനിശ്ചയം നടന്നെന്നും ചടങ്ങുകള് വൈകാതെയുണ്ടാകുമെന്നുമാണ് ലഭിക്കുന്ന വിവരം.
2015ല് പുറത്തിറങ്ങിയ യാഗവറിയനും നാന് കാക്ക എന്ന ചിത്രത്തില് രണ്ടാളും ഒരുമിച്ച് അഭിനയിച്ചിരുന്നു. നടന്റെ അച്ഛനും സംവിധായകനുമായ രവിരാജയുടെ പിറന്നാള് ആഘോഷത്തിന് നിക്കി എത്തിയിരുന്നു.
വിവാഹത്തെക്കുറിച്ച് നടി ഇതുവരെയും പ്രതികരിച്ചിട്ടില്ല. താന് പ്രണയത്തിലാണെന്നും ചെന്നൈ സ്വദേശിയായ ആളാണ് അദ്ദേഹം എന്നും നിക്കി നേരത്തെ പറഞ്ഞിട്ടുണ്ട്.
ഓം ശാന്തി ഓശാന, വെള്ളിമൂങ്ങ, ഇവന് മര്യാദരാമന്, ഒരു സെക്കന്ഡ് ക്ലാസ് യാത്ര, രാജമ്മ@യാഹൂ, ധമാക്ക തുടങ്ങിയ മലയാള സിനിമകളിലും നിക്കി വേഷമിട്ടിട്ടുണ്ട്.
