കെ ആര്‍ അനൂപ്|
Last Modified വെള്ളി, 21 ജനുവരി 2022 (17:10 IST)
റിയാലിറ്റി ഷോയിലൂടെ എത്തി പിന്നണി ഗായികയായി മാറിയ ആളാണ് അമൃത സുരേഷ്. താരം മോഡലിംഗ് രംഗത്തേക്കും അടുത്തിടെ ചുവട് മാറ്റിയിരുന്നു. ഇപ്പോഴിതാ താരം കാലില്‍ ടാറ്റൂ ചെയ്യുന്നതിന്റെ വിഡിയോ പങ്കുവെച്ചിരിക്കുകയാണ്.ഞാന്‍ തനിച്ചല്ലെന്നും ബലഹീനയല്ലെന്നും ഈ ടാറ്റൂ എന്നെ ഓര്‍മിപ്പിക്കുന്നുവെന്ന് അമൃത പറയുന്നു.
'ഒരു ഫീനിക്‌സ് പക്ഷിയെപ്പോലെ ചാരത്തില്‍ നിന്നും ഉയര്‍ത്തെഴുന്നേല്‍ക്കുക. ഞാന്‍ തനിച്ചല്ലെന്നും ബലഹീനയല്ലെന്നും ഈ ടാറ്റൂ എന്നെ ഓര്‍മിപ്പിക്കുന്നു. എപ്പോഴും എന്റെ ജീവിത യാത്രയില്‍ ഫീനിക്‌സ് എന്നെ പിന്തുടരുകയാണ്. അന്ധകാരത്തില്‍ നിന്നും സകല തിന്മകളില്‍ നിന്നും അതെന്നെ സംരക്ഷിക്കുന്നു,-അമൃത സുരേഷ് കുറിച്ചു.
