അഭിനയിക്കാന്‍ അഡ്വാന്‍സ് വാങ്ങുന്ന എല്ലാ സിനിമകളില്‍ നിന്നും 2 ലക്ഷം രൂപ വീതം ഞങ്ങളുടെ മിമിക്രി ആര്‍ട്ടിസ്റ്റ് അസ്സോസിയേഷന് നല്‍കുന്ന സുരേഷ് ഗോപിക്ക് നന്ദി പറഞ്ഞ് നാദിര്‍ഷാ. മിമിക്രി ആര്‍ട്ടിസ്റ്റ് അസോസിയേഷന്റെ പ്രസിഡന്റ് കൂടിയാണ് അദ്ദേഹം.

'അഭിനയിക്കാന്‍ അഡ്വാന്‍സ് വാങ്ങുന്ന എല്ലാ സിനിമകളില്‍ നിന്നും 2 ലക്ഷം രൂപ വീതം ഞങ്ങളുടെ മിമിക്രി ആര്‍ട്ടിസ്റ്റ് അസ്സോസിയേഷന്‍ (MAA )എന്ന സംഘടനക്ക് നല്‍കുന്ന പ്രിയപ്പെട്ട സുരേഷേട്ടാ , അങ്ങയുടെ ഈ വലിയ മനസ്സിന് ഒരായിരം നന്ദി'- നാദിര്‍ഷ കുറിച്ചു.

'മിമിക്രി കലാകാരന്മാരോടുള്ള ഈ സ്‌നേഹത്തിന് ഒരുപാട് നന്ദി സുരേഷേട്ടാ..'- ധര്‍മ്മജന്‍ കുറിച്ചു.

ഞാന്‍ ചെയ്യുന്ന ഓരോ സിനിമയുടെ പ്രതിഫലത്തില്‍ നിന്നും 2 ലക്ഷം രൂപ മിമിക്രി ആര്‍ട്ടിസ്റ്റ് അസോസിയേഷന് തരുമെന്ന് സുരേഷ് ഗോപി പറഞ്ഞിരുന്നു. വാക്ക് പാലിച്ച നടന്‍ പുതിയ ചിത്രത്തിന്റെ അഡ്വാന്‍സ് ലഭിച്ചപ്പോള്‍ തന്നെ അതില്‍ നിന്നും 2 ലക്ഷം രൂപ 2021 ഡിസംബറില്‍ ആദ്യം നല്‍കിയിരുന്നു. ഇപ്പോഴിതാ ഒറ്റക്കൊമ്പന്‍ എന്ന ചിത്രത്തിന്റെ അഡ്വാന്‍സ് ലഭിച്ചപ്പോള്‍ തന്നെ അതില്‍ നിന്നും 2 ലക്ഷം രൂപ സംഘടനയ്ക്ക് വീണ്ടും സുരേഷ് ഗോപി നല്‍കി.