അനുബന്ധ വാര്ത്തകള്
- ചെന്നൈ വെള്ളപ്പൊക്കം: നാളെയും മറ്റന്നാളും ഏറനാട് എക്സ്പ്രസിന് മാരാരിക്കുളത്ത് സ്റ്റോപ്പ് അനുവദിച്ച് റെയില്വേ
- നേമം, കൊച്ചുവേളി സ്റ്റേഷനുകളുടെ പേരുകള്ക്ക് മുന്പ് ഇനിമുതല് തിരുവനന്തപുരം എന്ന പേര് ചേര്ക്കും
- യാത്രാനിരക്കില് ഇളവു പ്രഖ്യാപിച്ച് റെയില്വേ; എസി ചെയര്കാര്, എക്സിക്യുട്ടിവ് ക്ലാസുകളിലെ ടിക്കറ്റ് നിരക്ക് 25 ശതമാനം വരെ കുറയ്ക്കും
- തെങ്കാശിയില് മലയാളി റെയില്വേ ജീവനക്കാരിയെ ലൈംഗികാതിക്രമത്തിന് ഇരയാക്കിയ കേസില് പ്രതി പിടിയില്
- കേരളത്തില് ട്രെയിനുകളുടെ വേഗത മണിക്കൂറില് 160 കിലോമീറ്റര് ആയി ഉയര്ത്താന് റെയില്വേ നടപടി തുടങ്ങി
രാജ്യത്ത് ഏറ്റവും കൂടുതല് റെയില്വേ സ്റ്റേഷനുകള്ക്ക് ഈറ്റ് റൈറ്റ് സ്റ്റേഷന് അംഗീകാരം ലഭിച്ച സംസ്ഥാനമായി കേരളം
കേരളത്തിലെ 21 റെയില്വേ സ്റ്റേഷനുകള്ക്ക് എഫ്.എസ്.എസ്.എ.ഐ.യുടെ ഈറ്റ് റൈറ്റ് സ്റ്റേഷന് അംഗീകാരം ലഭിച്ചു. യാത്രക്കാര്ക്ക് സുരക്ഷിത ഭക്ഷണം ഉറപ്പാക്കുന്നതിനായി ഫുഡ് സേഫ്റ്റി ആന്റ് സ്റ്റാന്റേര്ഡ്സ് അതോറിറ്റി ഓഫ് ഇന്ത്യയുടെ (എഫ്.എസ്.എസ്.എ.ഐ.) നേതൃത്വത്തിലുള്ള ഈറ്റ് റൈറ്റ് ഇന്ത്യാ മൂവ്മെന്റിന് കീഴിലുള്ള സംരംഭങ്ങളിലൊന്നായ ഈറ്റ് റൈറ്റ് റെയില്വേ സ്റ്റേഷന് പദ്ധതിയിലാണ് കേരളത്തിലെ 21 സ്റ്റേഷനുകള്ക്ക് അംഗീകാരം ലഭിച്ചത്. രാജ്യത്ത് 114 റയില്വേ സ്റ്റേഷനുകള്ക്കാണ് ഈറ്റ് റൈറ്റ് സ്റ്റേഷന് സര്ട്ടിഫിക്കറ്റ് ലഭിച്ചത്. അവയില് ഏറ്റവും കൂടുതല് അംഗീകാരം ലഭിച്ചത് കേരളത്തിനാണ്.
കേരളം ഭക്ഷ്യസുരക്ഷാ രംഗത്ത് നടത്തുന്ന മികച്ച പ്രവര്ത്തനങ്ങള്ക്കുള്ള മറ്റൊരു അംഗീകാരം കൂടിയാണിതെന്ന് ആരോഗ്യ വകുപ്പ് മന്ത്രി വീണാ ജോര്ജ് പറഞ്ഞു. ഭക്ഷ്യ സുരക്ഷാ സൂചികയില് അടുത്തിടെ കേരളം ദേശീയ തലത്തില് ആദ്യമായി ഒന്നാം സ്ഥാനം നേടിയിരുന്നു. മുന് വര്ഷത്തെ വരുമാനത്തെക്കാള് 193 ശതമാനം അധിക വരുമാനം നേടി 2022-23 കാലയളവില് റെക്കോര്ഡിട്ടു. എല്ലാ ജില്ലകളിലും സഞ്ചരിക്കുന്ന ഭക്ഷ്യ പരിശോധനാ ലാബുകളുള്ള ആദ്യ സംസ്ഥാനമായി. 'നല്ല ഭക്ഷണം നാടിന്റെ അവകാശം കാമ്പയിന്' ആവിഷ്ക്കരിച്ച് നടപ്പിലാക്കി. ക്ലീന് സ്ട്രീറ്റ് ഫുഡ് ഹബ്ബ്, ഹൈജീന് റേറ്റിംഗ്, ഈറ്റ് റൈറ്റ് ക്യാമ്പസ്, ക്ലീന് ഫ്രൂട്ട്സ് ആന്റ് വെജിറ്റബിള് മാര്ക്കറ്റ്, ഉപയോഗിച്ച എണ്ണ തിരിച്ചെടുക്കുന്ന റൂക്കോ എന്നീ പദ്ധതികള് നടപ്പിലാക്കി വരുന്നു. ഭക്ഷ്യ സുരക്ഷാ ഗ്രിവന്സ് പോര്ട്ടലും ഈറ്റ് റൈറ്റ് കേരള മൊബൈല് ആപ്പും യാഥാര്ത്ഥ്യമാക്കി. ഇത് കൂടാതെയാണ് ഈറ്റ് റൈറ്റ് റെയില്വേ സ്റ്റേഷന് പദ്ധതിയും നടപ്പിലാക്കുന്നതെന്നും മന്ത്രി പറഞ്ഞു.
