അനുബന്ധ വാര്ത്തകള്
- ഇന്നുമുതല് മില്മ പാലിനും തൈരിനും വില കൂടും
- വിഭജനം ഉണ്ടാക്കുന്നവരെ അകറ്റി നിർത്തണം, വെള്ളാപ്പള്ളിയെ സന്ദർശിച്ച മന്ത്രി ബിന്ദു കൃഷ്ണയെ വിമർശിച്ച് യൂത്ത് കോൺഗ്രസ്
- തലസ്ഥാന നഗരിയിലെ വെള്ളക്കെട്ട് പ്രതിസന്ധി പരിശോധിക്കാന് ജല വിഭവ വകുപ്പ് മന്ത്രിയുടെ അടിയന്തര ഇടപെടല്: ജൂണ് രണ്ടിന് ഉന്നതതലയോഗം
- Kerala Rain : സ്കൂൾ തുറക്കുമ്പോൾ പെരുമഴ, ജൂൺ ആദ്യവാരത്തിൽ അതിശക്ത മഴയ്ക്ക് സാധ്യത, ഇന്ന് അലർട്ടുള്ളത് 9 ജില്ലകളിൽ
- 'ഗൺമാൻമാരുടെ രക്ഷാപ്രവർത്തനം', രമേശ് ചെന്നിത്തല രണ്ടും കൽപ്പിച്ച് തന്നെ, പേര് വന്നാൽ എഡിജിപി അജിത് കുമാറിനെതിരെയും നടപടി
കേരളത്തിലും എൻഡിഎ നേതാവിനെ ചേർത്തുപിടിച്ച് സതീശൻ; ബിജെപിയുടെ ബി ടീമാണോ?
സതീശനുമായുള്ള കൂടിക്കാഴ്ചയ്ക്കു തുഷാറാണ് സമയം ചോദിച്ചത്
VD Satheesan and Thushar
ചാർട്ടേഡ് ഫ്ളൈറ്റിൽ മംഗലാപുരം പോയി എൻഡിഎ നേതാവുമായി കൂടിക്കാഴ്ച നടത്തിയ മുഖ്യമന്ത്രി വി.ഡി.സതീശൻ കേരളത്തിലും എൻഡിഎ ബന്ധം തുടരുന്നു. എൻഡിഎ ഘടകകക്ഷിയായ ബിഡിജെഎസ് അധ്യക്ഷൻ തുഷാർ വെള്ളപ്പള്ളിയും സതീശനും കൂടിക്കാഴ്ച നടത്തിയത് കോൺഗ്രസിനുള്ളിൽ വിവാദമാകുന്നു.
സതീശനുമായുള്ള കൂടിക്കാഴ്ചയ്ക്കു തുഷാറാണ് സമയം ചോദിച്ചത്. സത്യപ്രതിജ്ഞാ ചടങ്ങിൽ പങ്കെടുക്കാൻ മുഖ്യമന്ത്രി തന്നെ രണ്ടുമൂന്ന് തവണ വിളിച്ചിരുന്നുവെങ്കിലും ആ സമയത്ത് വ്യക്തിപരമായ ആവശ്യങ്ങൾക്കായി ഇന്ത്യയ്ക്ക് പുറത്തായിരുന്നതിനാൽ എത്താൻ സാധിച്ചില്ലെന്ന് തുഷാർ വെളിപ്പെടുത്തി. അന്ന് ഫോണിലൂടെ ബന്ധപ്പെടാനും പ്രയാസമുണ്ടായിരുന്നെന്നും തുഷാർ പറഞ്ഞു.
സതീശനുമായി സൗഹൃദസന്ദർശനം മാത്രമാണെന്നാണ് തുഷാർ പറഞ്ഞത്. എസ്.എൻ.ഡി.പി യോഗം ജനറൽ സെക്രട്ടറി വെള്ളാപ്പള്ളി നടേശൻ ഉടൻ സതീശനുമായി കൂടിക്കാഴ്ച നടത്തും. എൻഡിഎ നേതാക്കളുമായി ഇത്ര അടുപ്പം സൂക്ഷിക്കുന്ന സതീശൻ ബിജെപിയുടെ ബി ടീം ആണോയെന്ന് പോലും സമൂഹമാധ്യമങ്ങളിൽ വിമർശനമുയർന്നിട്ടുണ്ട്.