അനുബന്ധ വാര്ത്തകള്
- കണ്ണൂര് ജില്ലാ കളക്ടര് അരുണ് കെ വിജയന് സ്ഥാനക്കയറ്റത്തിന്റെ ഭാഗമായുള്ള പരിശീലനത്തിന് പോകാന് സര്ക്കാര് അനുമതി
- ശബരിമല സന്നിധാനത്ത് ഭീതി പടര്ത്തി മൂര്ഖന് പാമ്പ്!
- Sabarimala News: മാളികപ്പുറത്ത് നാളികേരം ഉരുട്ടല് വേണ്ട; മഞ്ഞള്പ്പൊടി, ഭസ്മം വിതറല് എന്നിവ നിരോധിക്കും
- തമിഴ്നാട്ടിലും ആന്ധ്ര തീരമേഖലയിലും അതീവ ജാഗ്രത; ഫെയ്ഞ്ചല് ചുഴലിക്കാറ്റ് ഇന്ന് കര തൊടും
- ഒറ്റപ്പാലത്ത് വൻ കവർച്ച: 63 പവൻ നഷ്ടപ്പെട്ടു
എത്ര വലിയവനായാലും കര്ശന നടപടി; അനര്ഹമായി ക്ഷേമ പെന്ഷന് വാങ്ങിയ ജീവനക്കാര്ക്കെതിരെ മുഖ്യമന്ത്രി
മരണപ്പെട്ടവരെ അതത് സമയത്ത് കണ്കറിങ്ങ് മസ്റ്ററിങ്ങ് നടത്തി ലിസ്റ്റില് നിന്ന് ഒഴിവാക്കും
അനര്ഹമായി ക്ഷേമപെന്ഷന് വാങ്ങിയ സര്ക്കാര് ജീവനക്കാര്ക്കെതിരെ കര്ശന നടപടിയെടുക്കുമെന്ന് മുഖ്യമന്ത്രി പിണറായി വിജയന്. സര്ക്കാര് ജീവനക്കാരും പെന്ഷന്കാരും അനര്ഹമായി ക്ഷേമപെന്ഷന് വാങ്ങുന്നത് വ്യക്തമായ പശ്ചാത്തലത്തില് ചേര്ന്ന പ്രത്യേക യോഗത്തിലാണ് തീരുമാനം.
തട്ടിപ്പു കാണിച്ചവര്ക്കെതിരെ വകുപ്പ് തലത്തില് അച്ചടക്ക നടപടിയെടുക്കും. കൈപ്പറ്റിയ തുക പലിശ സഹിതം തിരിച്ചടപ്പിക്കും. അനര്ഹര് കയറിക്കൂടാന് സാഹചര്യമൊരുക്കിയ ഉദ്യോഗസ്ഥര്ക്കെതിരെയും നടപടിയുണ്ടാകും. അനര്ഹമായി പെന്ഷന് വാങ്ങുന്ന ജീവനക്കാര് അല്ലാത്തവര്ക്കെതിരെയും നടപടിയുണ്ടാകുമെന്നും മുഖ്യമന്ത്രി യോഗത്തില് പറഞ്ഞു.
മരണപ്പെട്ടവരെ അതത് സമയത്ത് കണ്കറിങ്ങ് മസ്റ്ററിങ്ങ് നടത്തി ലിസ്റ്റില് നിന്ന് ഒഴിവാക്കും. വാര്ഷിക മസ്റ്ററിങ്ങ് നിര്ബന്ധമാക്കും. ഇതിന് ഫെയ്സ് ഒതന്റിക്കേഷന് സംവിധാനം ഏര്പ്പെടുത്തും. വരുമാന സര്ട്ടിഫിക്കറ്റ്, ആധാര് സീഡിങ്ങ് എന്നിവ നിര്ബന്ധമാക്കും. സര്ക്കാര് സര്വീസില് കയറിയ ശേഷം മസ്റ്ററിങ്ങ് നടത്തി ആനുകൂല്യം കൈപ്പറ്റുന്നത് അശ്രദ്ധയല്ലെന്നും മുഖ്യമന്ത്രി യോഗത്തില് ചൂണ്ടിക്കാട്ടി. തദ്ദേശ സ്വയംഭരണ സ്ഥാപന അടിസ്ഥാനത്തില് ക്ഷേമപെന്കാരുടെ അര്ഹത വിലയിരുത്താനും ധനവകുപ്പ് പരിശോധന തുടരാനും മുഖ്യമന്ത്രി നിര്ദ്ദേശിച്ചു. ധനമന്ത്രി കെ.എന്.ബാലഗോപാല്, ചീഫ് സെക്രട്ടറി ശാരദാ മുരളീധരന് എന്നിവരും യോഗത്തില് പങ്കെടുത്തു.
