കോളേജ് വിദ്യാര്‍ത്ഥിനി പേ വിഷബാധയേറ്റ് മരിച്ച സംഭവത്തില്‍ അന്വേഷണം നടത്തി റിപ്പോര്‍ട്ട് നല്‍കാന്‍ ആരോഗ്യവകുപ്പ് മന്ത്രിയുടെ നിര്‍ദേശം. പാലക്കാട് ജില്ലാ സര്‍വയലന്‍സ് ഓഫീസറുടെ നേതൃത്വത്തില്‍ റാപ്പിഡ് റെസ്‌പോണ്‍സ് ടീം രൂപീകരിച്ചാണ് വിശദമായ അന്വേഷണം നടത്തുന്നത്.

പാലക്കാട് ഒരുമാസം മുന്‍പ് അയല്‍ വീട്ടിലെ നായയുടെ കടിയേറ്റ കോളേജ് വിദ്യാര്‍ത്ഥിനി മങ്കര സ്വദേശിനി ശ്രീലക്ഷ്മി ആണ് മരിച്ചത്. 19 വയസായിരുന്നു. മെയ് 30നാണ് ശ്രീലക്ഷ്മിയെ വളര്‍ത്തുനായ കടിച്ചത്. പേ വിഷബാധയ്ക്കുള്ള നാലുവാക്‌സിനുകളും ശ്രീലക്ഷ്മി സ്വികരിച്ചുന്നുവെന്ന് ബന്ധുക്കള്‍ പറയുന്നു. രണ്ടുദിവസം മുന്‍പാണ് പേവിഷബാധയുടെ ലക്ഷണങ്ങള്‍ പെണ്‍കുട്ടി കാണിച്ചു തുടങ്ങിയത്.