അനുബന്ധ വാര്ത്തകള്
- Nipah Virus: വീണ്ടും നിപ? പോസ്റ്റ്മോര്ട്ടം ചെയ്ത മങ്കട സ്വദേശിനിയുടെ പ്രാഥമിക സാമ്പിള് ഫലം പോസിറ്റീവ്
- മലപ്പുറത്ത് നിപ ഭീതി ഒഴിയുന്നു; രണ്ടുപേരുടെ സാമ്പിള് പരിശോധനാഫലം കൂടി നെഗറ്റീവ്
- നിപ ബാധിച്ച യുവതി വീട്ടില് നിന്നു തന്നെ പുറത്തിറങ്ങാറില്ല, ഒരു പഴവും കഴിച്ചിട്ടുമില്ല; ദിവസങ്ങള്ക്ക് മുന്പ് വീട്ടിലെ കോഴികള് ചത്തു
- വളാഞ്ചേരിയിലെ നിപ രോഗി ഗുരുതരാവസ്ഥയില്; സമ്പര്ക്ക പട്ടികയില് 49 പേര്, ആറുപേര്ക്ക് രോഗലക്ഷണം
- Nipah Virus in Kerala: മലപ്പുറം വളാഞ്ചേരിയില് നിപ സ്ഥിരീകരിച്ചു
നിപ: മൂന്ന് ജില്ലകളില് ജാഗ്രതാ നിര്ദേശം
മെഡിക്കല് കോളേജുകളില് പരിശോധന നടത്തിയപ്പോള് നിപ കണ്ടെത്തിയതിനെ തുടര്ന്ന് ആരോഗ്യ വകുപ്പ് ശക്തമായ നടപടികള് സ്വീകരിച്ചു വരുന്നു
Nipah Virus
രണ്ട് നിപ കേസുകളുമായി ബന്ധപ്പെട്ട് കോഴിക്കോട്, മലപ്പുറം, പാലക്കാട് ജില്ലകളില് ജാഗ്രതാ നിര്ദേശം നല്കിയതായി ആരോഗ്യ വകുപ്പ് മന്ത്രി വീണ ജോര്ജ്. പ്രാഥമിക പരിശോധനയില് രോഗം സ്ഥിരീകരിച്ചവര് പാലക്കാട്, മലപ്പുറം ജില്ലകളിലുള്ളവരാണ്.
മലപ്പുറം, കോഴിക്കോട് മെഡിക്കല് കോളേജുകളില് നടത്തിയ പരിശോധനയില് നിപ കണ്ടെത്തിയതിനെ തുടര്ന്ന് പൂണെ വൈറോളജി ഇന്സ്റ്റിറ്റ്യൂട്ടില് നിപ സ്ഥിരീകരണത്തിനായി സാമ്പിളുകള് അയച്ചിട്ടുണ്ട്. സ്ഥിരീകരണം വരുന്നതിന് മുമ്പ് തന്നെ പ്രോട്ടോകോള് അനുസരിച്ച് പ്രതിരോധ നടപടികള് ശക്തമാക്കാന് നിര്ദേശം നല്കി.
മെഡിക്കല് കോളേജുകളില് പരിശോധന നടത്തിയപ്പോള് നിപ കണ്ടെത്തിയതിനെ തുടര്ന്ന് ആരോഗ്യ വകുപ്പ് ശക്തമായ നടപടികള് സ്വീകരിച്ചു വരുന്നു. മൂന്ന് ജില്ലകളില് ഒരേ സമയം പ്രതിരോധ പ്രവര്ത്തനം നടത്താന് നിര്ദേശം നല്കി. 26 കമ്മിറ്റികള് വീതം മൂന്ന് ജില്ലകളില് രൂപീകരിച്ചു. സമ്പര്ക്ക പട്ടിക തയ്യാറാക്കുന്നതിന് പൊലീസിന്റെ കൂടി സഹായം തേടും. സ്റ്റേറ്റ് ഹെല്പ്പ് ലൈനും, ജില്ലാ ഹൈല്പ്പ് ലൈനും ഉണ്ടാകും.
രണ്ട് ജില്ലകളില് ജില്ലാതലത്തില് കണ്ടൈന്മെന്റ് സോണുകള് പ്രഖ്യാപിക്കും. കളക്ടര്മാര് അതനുസരിച്ചുള്ള നടപടികള് സ്വീകരിക്കണം. പബ്ലിക് അനൗണ്സ്മെന്റ് നടത്തണം. ഒരാളേയും വിട്ടുപോകാതെ കോണ്ടാക്ട് ട്രേസിംഗ് നടത്തണം. ഈ കാലയളവില് അസ്വാഭാവിക മരണങ്ങള് ഉണ്ടായിട്ടുണ്ടെങ്കില് അത് പരിശോധിക്കണം. മന്ത്രിയുടെ നേതൃത്വത്തില് വൈകുന്നേരം വീണ്ടും നിപ ഉന്നതതല യോഗം ചേര്ന്ന് തുടര്നടപടികള് സ്വീകരിക്കും.
