അനുബന്ധ വാര്ത്തകള്
- തൃശൂരില് മുത്തച്ഛനെയും മുത്തശിയെയും ചെറുമകന് വെട്ടിക്കൊലപ്പെടുത്തി
- കണ്ണൂരില് നിര്മാണത്തിലിരുന്ന വീട് കനത്തമഴയില് തകര്ന്നുവീണു
- ഇടുക്കി ഡെപ്യൂട്ടി തഹസില്ദാരെ താമസസ്ഥലത്ത് മരിച്ച നിലയില് കണ്ടെത്തി
- കോഴിക്കോട് വീട്ടമ്മയെ കിണറ്റില് വീണ് മരിച്ച നിലയില് കണ്ടെത്തി
- ഇടുക്കിയില് ആറുവയസ്സുകാരനെ ചുറ്റികകൊണ്ട് തലയ്ക്കടിച്ച് കൊല്ലുകയും 14 വയസ്സുള്ള സഹോദരിയെ പീഡിപ്പിക്കുകയും ചെയ്ത പ്രതിക്ക് വധശിക്ഷ
കോഴിക്കോട് ജില്ലയില് വിദ്യാഭ്യാസ സ്ഥാപനങ്ങള്ക്ക് ഇന്നും അവധി; വ്യാജ വാര്ത്ത പ്രചരിപ്പിച്ചവര്ക്കെതിരെ നടപടി എടുക്കും
ജില്ലയില് മഴ തുടരുന്നതിനാലും പലയിടങ്ങളിലായി വെള്ളക്കെട്ടും ശക്തമായ കാറ്റുമുള്ളതിനാലും, നദീതീരങ്ങളില് ക്രമാതീതമായി വെള്ളം ഉയരുന്ന സാഹചര്യം നിലനില്ക്കുന്നതിനാലും പ്രൊഫഷണല് കോളേജ് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും ഇന്നും അവധിയാണ്. ജില്ലയിലെ അങ്കണവാടികള്ക്കും അവധി ബാധകമാണ്. മുന്കൂട്ടി നിശ്ചയിച്ച പരീക്ഷകളില് മാറ്റമില്ല.
അവധിയായതിനാല് കുട്ടികള് അനാവശ്യമായി പുറത്തിറങ്ങുന്നത് രക്ഷിതാക്കള് നിയന്ത്രിക്കണമെന്നും പരിസരങ്ങളിലെ പുഴകളിലോ നദീതടങ്ങളിലോ ഒരു കാരണവശാലും ഇറങ്ങരുതെന്നും ജാഗ്രത പുലര്ത്തണമെന്നും ജില്ലാകളക്ടര് പറഞ്ഞു. ദുരന്ത നിവാരണ അതോറിറ്റിയുടെ അടിയന്തിര യോഗം വിളിച്ചു ചേര്ത്ത് സ്ഥിതിഗതികള് വിലയിരുത്തിയ ശേഷം ഇന്നലെ വൈകീട്ട് 7:45 ഓടെയാണ് അവധി പ്രഖ്യാപിച്ചത്. എന്നാല് അവധി പ്രഖ്യാപിച്ചതായി വൈകുന്നേരം ആറ് മണി ഓടെ സോഷ്യല് മീഡിയ വഴി പ്രചരിപ്പിച്ച പോസ്റ്ററുകള് വ്യാജമാണ്. വ്യാജ വാര്ത്തയും പോസ്റ്ററുകളും പ്രചരിപ്പിച്ചവര്ക്കെതിരെ കര്ശന നടപടി സ്വീകരിക്കുമെന്നും കളക്ടര് അറിയിച്ചു.
