അനുബന്ധ വാര്ത്തകള്
- ട്രെയ്ൻ ആക്രമണം: തീവ്രവാദബന്ധമെന്ന് സംശയം എൻഐഎ അന്വേഷിച്ചേക്കും
- കോഴിക്കോട് കല്ലായ്റോഡിലെ ജയലക്ഷ്മി സില്ക്സില് തീപ്പിടിത്തം; രണ്ടു കാറുകള് കത്തി നശിച്ചു
- വയനാട്ടില് ആദിവാസി ദമ്പതികളുടെ കുഞ്ഞ് ചികിത്സ കിട്ടാതെ മരിച്ച സംഭവത്തില് ഡോക്ടറെ പിരിച്ചുവിട്ടു
- പാലക്കാട് ഭര്ത്താവ് ഭാര്യയെ വെട്ടിക്കൊന്നു
- കോഴിക്കോട് കടപ്പുറത്ത് സംഗീത സന്ധ്യ ഏപ്രിൽ 2 ന് ഞായറാഴ്ച; ശാന്തിഗിരി വിശ്വജ്ഞാനമന്ദിരം സമർപ്പണത്തിന് കേളികൊട്ടുയരും*
എലത്തൂരില് ട്രെയിനില് തീ കൊളുത്തിയ സംഭവത്തില് പൊള്ളലും പരിക്കുമേറ്റ എല്ലാവര്ക്കും സൗജന്യ ചികിത്സ ഉറപ്പാക്കുമെന്ന് ആരോഗ്യമന്ത്രി
കോഴിക്കോട് എലത്തൂരില് ട്രെയിനില് തീ കൊളുത്തിയ സംഭവത്തില് പൊള്ളലും പരിക്കുമേറ്റ എല്ലാവര്ക്കും സൗജന്യ ചികിത്സ ഉറപ്പാക്കുമെന്ന് ആരോഗ്യ മന്ത്രി വീണാ ജോര്ജ്. പരിക്കേറ്റവര്ക്ക് മതിയായ ചികിത്സ സൗജന്യമായി ഉറപ്പാക്കാന് ആരോഗ്യ വകുപ്പ് ഡയറക്ടര്ക്കും മെഡിക്കല് വിദ്യാഭ്യാസ വകുപ്പ് ഡയറക്ടര്ക്കും നിര്ദേശം നല്കി.
അതേസമയം ട്രെയിനില് ഉണ്ടായ അക്രമ സംഭവം അതീവ ദുഃഖകരവും ഞെട്ടിക്കുന്നതുമാണെന്നു മുഖ്യമന്ത്രി പിണറായി വിജയന്. പിഞ്ചു കുഞ്ഞടക്കം മൂന്നു പേരുടെ ജീവനാണ് ആലപ്പുഴ കണ്ണൂര് എക്സിക്യൂട്ടീവ് എക്സ്പ്രസ്സില് ഉണ്ടായ ആക്രമണത്തില് പൊലിഞ്ഞത്. കമ്പാര്ട്മെന്റിലുണ്ടായ യാത്രക്കാര്ക്കും പൊള്ളലേറ്റിറ്റുണ്ട്. സംഭവത്തില് സമഗ്രമായ അന്വേഷണം നടത്താനും കുറ്റകൃത്യത്തിന്റെ മുഴുവന് വിവരങ്ങളും നിയമത്തിനു മുന്നില് കൊണ്ടുവരാനും പൊലീസിന് നിര്ദേശം നല്കിയിട്ടുണ്ട്. അതിനായി പ്രത്യേക അന്വേഷകസംഘം രൂപീകരിക്കും. അക്രമിയെ പിടികൂടാനുള്ള ശ്രമങ്ങള് പോലീസ് ഊര്ജ്ജിതമായി നടത്തുകയാണ്. സംസ്ഥാന പോലീസ് മേധാവി തന്നെ ഇതിനു മേല്നോട്ടം വഹിക്കുന്നുണ്ട്.
