അനുബന്ധ വാര്ത്തകള്
- ന്യൂനമര്ദം, ചുഴലിക്കാറ്റ്: കേരളത്തില് പരക്കെ മഴ, തെക്കന് ജില്ലകളില് വെള്ളം കയറി
- ന്യൂനമര്ദ്ദ മുന്നറിയിപ്പ്; ശക്തമായ ഇടി മിന്നലിനും കാറ്റിനും മഴയ്ക്കും സാധ്യത
- റയില്വേ സ്റ്റേഷനുകള്, വിമാനത്താവളങ്ങള്, ബസ് സ്റ്റാന്ഡുകള് കേന്ദ്രീകരിച്ചു പ്രവര്ത്തിക്കുന്ന ഓട്ടോ, ടാക്സി വാഹനങ്ങള്ക്ക് സവാരി നടത്തുന്നതിന് അനുമതി വേണം: ഐഎന്ടിയുസി
- കോവിഡ് ചികിത്സ: തിരുവനന്തപുരം സ്വകാര്യ ആശുപത്രികളില് എക്സിക്യൂട്ടിവ് മജിസ്ട്രേറ്റുമാര്
- സംസ്ഥാനത്തെ 127 ആരോഗ്യപ്രവര്ത്തകര്ക്കു കൂടി കൊവിഡ്; ആകെ ഹോട്സ്പോട്ടുകള് 788 ആയി
ശക്തമായ മഴ: സംസ്ഥാനത്തെ ഏഴുജില്ലകളില് യെല്ലോ അലര്ട്ട് പ്രഖ്യാപിച്ചു
ശക്തമായ മഴ കണക്കിലെടുത്ത് സംസ്ഥാനത്തെ ഏഴുജില്ലകളില് യെല്ലോ അലര്ട്ട് പ്രഖ്യാപിച്ചു. തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി എന്നീ ജില്ലകളിലാണ് ഇന്ന് യെല്ലോ അലര്ട്ട് പ്രഖ്യാപിച്ചിട്ടുള്ളത്. 24 മണിക്കൂറില് 64.5 mm മുതല് 115 mm വരെയുള്ള മഴയാണ് പ്രതീക്ഷിക്കേണ്ടത്.
കേന്ദ്ര കാലാവസ്ഥ വകുപ്പ് അതിശക്തമായ മഴക്കുള്ള സാധ്യത പ്രവചിച്ചിരിക്കുന്നതിനാല് പൊതുജനങ്ങളും സര്ക്കാര് സംവിധാനങ്ങളും അതീവ ജാഗ്രത പാലിക്കേണ്ടതാണ്. ഓറഞ്ച്, മഞ്ഞ അലേര്ട്ട് പ്രഖ്യാപിക്കപ്പെട്ടിരിക്കുന്ന ജില്ലകളില് താഴ്ന്ന പ്രദേശങ്ങള്, നദീതീരങ്ങള്, ഉരുള്പൊട്ടല്-മണ്ണിടിച്ചില് സാധ്യതയുള്ള മലയോര പ്രദേശങ്ങള് തുടങ്ങിയ ഇടങ്ങളിലുള്ളവര് അതീവ ജാഗ്രത പാലിക്കണം. ന്യൂനമര്ദ രൂപീകരണഘട്ടത്തില് കടലാക്രമണം രൂക്ഷമാകാനും തീരാപ്രദേശങ്ങളില് ശക്തമായ കാറ്റടിക്കാനും സാധ്യതയുള്ളതിനാല് തീരദേശ വാസികള് പ്രത്യേക ജാഗ്രത പാലിക്കണം.
ഉച്ചയോട് കൂടി ആരംഭിക്കുന്ന ശക്തമായ ഇടിമിന്നലോട് കൂടിയ വേനല് മഴ സംസ്ഥാനത്ത് തുടരുകയാണ്. ഇടിമിന്നലിനും ശക്തമായ കാറ്റിനും സാധ്യതയുള്ളതിനാല് സംസ്ഥാന ദുരന്ത നിവാരണ അതോറിറ്റി പുറപ്പെടുവിച്ചിട്ടുള്ള ഇടിമിന്നല്, ശക്തമായ കാറ്റ് ജാഗ്രത നിര്ദേശങ്ങള് പാലിക്കുക. ഇടിമിന്നല് സമയത്ത് പുറത്തിറങ്ങുന്നത് കര്ശനമായി ഒഴിവാക്കുക. കെട്ടിടങ്ങള്ക്ക് അകത്തോ വാഹനങ്ങള്ക്ക് ഉള്ളിലോ സുരക്ഷിതമായി തുടരുക.
അടുത്ത ലേഖനം
