അനുബന്ധ വാര്ത്തകള്
- ഒന്നരവയസുകാരൻ കിണറ്റിൽവീണ് മരിച്ച സംഭവം കൊലപാതകം: അമ്മ അറസ്റ്റിൽ
- നിയന്ത്രണങ്ങളുടെ ലംഘനം: സംസ്ഥാനത്ത് പുതിയ 540 കേസുകള്; മാസ്ക് ധരിക്കാത്തത് 2141 പേര്
- 2021 ജനുവരി 1 മുതല് മാര്ച്ച് 20 വരെ അക്ഷയ കേന്ദ്രങ്ങളില് വിവിധ സാമൂഹ്യ ക്ഷേമ പെന്ഷന് വാങ്ങിക്കുന്നവര് മസ്റ്ററിംഗ് നടത്തണം എന്ന പ്രചാരണം അടിസ്ഥാനരഹിതം
- ഭക്ഷണത്തിൽ രാസവിഷം കലർത്തി ഐഎസ്ആർഒ ശാസ്ത്രജ്ഞനെ വധിയ്ക്കാൻ ശ്രമം: സംഭവം ഇസ്രോ ആസ്ഥാനത്തുവച്ച്
- ഉദ്ഘാടനത്തിന് മുൻപ് വൈറ്റില മേൽപ്പാലം തുറന്ന് വാഹനങ്ങളെ കടത്തിവിട്ടു, മൂന്നുപേർ പിടിയിൽ
ഗെയില് പ്രകൃതി വാതക പൈപ്പ് ലൈന്: ജനങ്ങളുടെ ന്യായമായ ആശങ്കകള് പരിഹരിച്ചാണ് സര്ക്കാര് എല്ലാ തടസ്സങ്ങളും മറികടന്നതെന്ന് മുഖ്യമന്ത്രി
സംസ്ഥന സര്ക്കാര് ജനങ്ങള്ക്ക് നല്കിയ പ്രധാന വാഗ്ദാനമാണ് ഗെയില് പ്രകൃതി വാതക പൈപ്പ് ലൈന് യാഥാര്ത്ഥ്യമായതിലൂടെ നിറവേറ്റപ്പെട്ടതെന്ന് മുഖ്യമന്ത്രി പിണറായി വിജയന് പറഞ്ഞു. കൊച്ചി-മംഗളൂരു പൈപ്പ് ലൈന് പ്രധാനമന്ത്രി രാഷ്ട്രത്തിന് സമര്പ്പിക്കുന്ന ചടങ്ങില് സംസാരിക്കുകയായിരുന്നു മുഖ്യമന്ത്രി.
ജനങ്ങളുടെ ന്യായമായ ആശങ്കകള് പരിഹരിച്ചാണ് സര്ക്കാര് എല്ലാ തടസ്സങ്ങളും മറികടന്നത്. പ്രശ്നങ്ങള് കാരണം 2014-ല് പൈപ്പ് ലൈനിന്റെ എല്ലാ പ്രവൃത്തിയും ഗെയില് നിര്ത്തിവെച്ചതായിരുന്നുവെന്ന് മുഖ്യമന്ത്രി അനുസ്മരിച്ചു. 450 കി.മീറ്റര് നീളമുള്ള കൊച്ചി-മംഗളൂരു പൈപ്പ് ലൈനിന്റെ 414 കി.മീറ്ററും കേരളത്തിലാണ്. വലിയ വികസന പദ്ധതികള് നടപ്പാക്കുമ്പോള് ജനങ്ങള്ക്ക് ചെറിയ പ്രയാസങ്ങള് നേരിടേണ്ടിവരുന്നത് സ്വാഭാവികമാണ്. എന്നാല് പ്രയാസങ്ങള് അവഗണിച്ചുകൊണ്ട് ജനങ്ങള് പദ്ധതിയുമായി സഹകരിച്ചു. കാരണം, കേരളത്തിന്റെ സര്വതോന്മുഖമായ വികസനത്തിന് ഈ പദ്ധതി അനിവാര്യമാണെന്ന് ജനങ്ങളെ ബോധ്യപ്പെടുത്താന് സര്ക്കാരിന് കഴിഞ്ഞു.
സിറ്റി ഗ്യാസ് വിതരണ ശ്രൃംഖല വ്യാപകമാക്കാന് പൈപ്പ്ലൈന് പൂര്ത്തീകരണം സഹായിക്കും. അതുവഴി, വീട്ടാവശ്യത്തിനുള്ള പ്രകൃതിവാതകത്തിന്റെ ലഭ്യത വര്ധിക്കും. ഫാക്ടിന്റെ വികസനത്തിനും നിര്ദിഷ്ട പെട്രോകെമിക്കല്സ് പാര്ക്ക് യാഥാര്ത്ഥ്യമാക്കുന്നതിനും ഈ പദ്ധതി സഹായിക്കും. ഊര്ജരംഗത്തും ഇതു വലിയ വികസനം കൊണ്ടുവരുമെന്ന് മുഖ്യമന്ത്രി പറഞ്ഞു.
