1. കായികം
  2. ക്രിക്കറ്റ്‌
  3. ഐപിഎല്‍
  4. Shubman Gill angry to Chennai fans

'വായ പൂട്ടിക്കോ, വീട്ടിൽ വിട്ടോ'; ചെന്നൈ ആരാധകരെ വെറുതെ വിടാതെ ഗിൽ, കട്ട കലിപ്പ്

ആദ്യം ബാറ്റ് ചെയ്ത ഗുജറാത്ത് നിശ്ചിത 20 ഓവറിൽ നാല് വിക്കറ്റ് നഷ്ടത്തിൽ 229 റൺസ് നേടി

Shubman Gill
Shubman Gill

അഞ്ച് തവണ ചാംപ്യൻമാരായ ചെന്നൈ സൂപ്പർ കിങ്‌സിനെ 89 റൺസിനു തോൽപ്പിച്ച് ഐപിഎൽ പ്ലേ ഓഫ് കാണാതെ പുറത്താക്കിയിരിക്കുകയാണ് ഗുജറാത്ത് ടൈറ്റൻസ്. ഗുജറാത്തിനെതിരെ വലിയ മാർജിനിൽ ജയിച്ചാൽ മാത്രമേ ചെന്നൈയ്ക്കു നേരിയ സാധ്യതയെങ്കിലും ഉണ്ടായിരുന്നുള്ളൂ. 
 
ആദ്യം ബാറ്റ് ചെയ്ത ഗുജറാത്ത് നിശ്ചിത 20 ഓവറിൽ നാല് വിക്കറ്റ് നഷ്ടത്തിൽ 229 റൺസ് നേടി. മറുപടി ബാറ്റിങ്ങിൽ 13.4 ഓവറിൽ 140 നു ചെന്നൈ ഓൾഔട്ടായി. 
 
അതേസമയം ഗുജറാത്ത് നായകൻ ശുഭ്മാൻ ഗിൽ ചെന്നൈ ആരാധകർക്കു നൽകിയ യാത്രയയപ്പാണ് ഇപ്പോൾ സമൂഹമാധ്യമങ്ങളിൽ ചർച്ച. മത്സരത്തിനിടെ ചെന്നൈ താരം ശിവം ദുബെ ഔട്ടായപ്പോൾ ആണ് ഗിൽ വളരെ അഗ്രസീവ് ആയി ചെന്നൈ ആരാധകർക്കു നേരെ തിരിഞ്ഞത്. 
ചെന്നൈ ഇന്നിങ്‌സിന്റെ 11-ാം ഓവറിലാണ് സംഭവം. റാഷിദ് ഖാൻ എറിഞ്ഞ ഓവറിന്റെ മൂന്നാം പന്തിൽ ശിവം ദുബെ പുറത്തായി. ഗില്ലാണ് ദുബെയുടെ ക്യാച്ചെടുത്തത്. തൊട്ടുപിന്നാലെ ചെന്നൈ കാണികളെ നോക്കി 'നിശബ്ദരായിരിക്കൂ, വീട്ടിൽ പോകൂ' എന്നാണ് ഗിൽ കാണിച്ചത്. 
അടുത്ത ലേഖനം
ഇത് സ്വപ്നനിമിഷം, സൗദി ലീഗിലെ ആദ്യ കിരീടം സ്വന്തമാക്കി റൊണാൾഡോ, അവസാന ലീഗ് മത്സരത്തിൽ വമ്പൻ വിജയം