അനുബന്ധ വാര്ത്തകള്
- ഇത്രയും നാള് കണ്ടത് പോലെ അല്ല, ഭയങ്കര വെറൈറ്റിയാണ്; 'പുഴു'വിലെ മമ്മൂട്ടിയുടെ കഥാപാത്രത്തെ കുറിച്ച് മാളവിക
- ആഹാരം വിളമ്പിയും കേക്ക് മുറിച്ചും ക്രിസ്മസ് ആഘോഷിച്ച് മമ്മൂട്ടി, സിബിഐ5 സെറ്റില് കണ്ടത്
- ക്രിസ്മസ് ഫോട്ടോഷൂട്ട് നിര്ബന്ധമുണ്ടോ ? ചുവപ്പില് തിളങ്ങി അനാര്ക്കലി
- സിനിമയുടെ വെള്ളിവെളിച്ചത്തിലേക്ക് എന്നെ ആദ്യമായി പിടിച്ചുനിര്ത്തിയ സേതു സാര്; വൈകാരികമായി മമ്മൂട്ടി
- കമൽ ഹാസനെ മലയാളത്തിലെത്തിച്ച സംവിധായകൻ, മമ്മൂട്ടിയുടെയും ജഗതിയുടെയും അരങ്ങേറ്റവും സേതുമാധവൻ ചിത്രങ്ങളിലൂടെ
ഭീഷ്മപര്വ്വം ഞെട്ടിക്കും, കയ്യടിക്കാന് കുറേ സീനുകളുണ്ട്; മമ്മൂട്ടി ചിത്രത്തെ കുറിച്ച് സൗബിന്
മമ്മൂട്ടി ചിത്രം ഭീഷ്മപര്വ്വം എല്ലാവരേയും ഞെട്ടിക്കുന്ന സിനിമയായിരിക്കുമെന്ന് നടന് സൗബിന് ഷാഹിര്. മമ്മൂട്ടിക്കൊപ്പം ശ്രദ്ധേയമായ വേഷത്തിലാണ് ഭീഷ്മപര്വ്വത്തില് സൗബിനും അഭിനയിക്കുന്നത്. അമല് നീരദിന്റെ മേക്കിങ് പാറ്റേണ് കാണാന് തന്നെയാണ് പ്രേക്ഷകര് കാത്തിരിക്കുന്നത്. അക്ഷരാര്ത്ഥത്തില് ഇതൊരു മമ്മൂക്ക-അമല് നീരദ് ചിത്രമായിരിക്കും. സിനിമയുടെ കാര്യങ്ങള് പലതും പറയാന് പാടില്ല. കണ്ടറിയണം. സിനിമ അടിപൊളിയായിരിക്കും. ആരാധകര്ക്ക് കയ്യടിക്കാന് പറ്റുന്ന നിരവധി സീനുകള് ഭീഷ്മപര്വ്വത്തില് ഉണ്ടാകുമെന്നും സൗബിന് പറഞ്ഞു. മമ്മൂട്ടിയുടെ വില്ലനായിട്ടാണോ എത്തുന്നത് എന്ന ചോദ്യത്തിനു അത് താന് പറയില്ലെന്ന മറുപടിയായിരുന്നു സൗബിന് നല്കിയത്.
മമ്മൂട്ടി ആരാധകര് വലിയ ആവേശത്തോടെ കാത്തിരിക്കുന്ന സിനിമയാണ് ഭീഷ്മപര്വ്വം. അമല് നീരദ് സംവിധാനം ചെയ്യുന്ന ഭീഷ്മപര്വ്വത്തിന്റെ ഷൂട്ടിങ് നേരത്തെ കഴിഞ്ഞതാണ്. സിനിമയിലെ മമ്മൂട്ടിയുടെ ലുക്ക് ഇതിനോടകം ആരാധകര് ഏറ്റെടുത്തിട്ടുണ്ട്. പക്കാ ഒരു ഗ്യാങ്സ്റ്റര് സിനിമയായിരിക്കും ഭീഷമപര്വ്വമെന്നാണ് അണിയറ സംസാരം. സിനിമയുമായി ബന്ധപ്പെട്ട വിവരങ്ങള് പുറത്ത് വിടരുതെന്ന് അഭിനേതാക്കള്ക്ക് സംവിധായകന് നേരത്തെ നിര്ദേശം നല്കിയിട്ടുണ്ട്.
