അനുബന്ധ വാര്ത്തകള്
- മരിക്കാത്തവരെ കൊന്നും ഡിവോഴ്സ് ആകാത്തവരെ തമ്മിൽ തെറ്റിച്ചും ഇനിയും എത്രനാൾ? ഇനിയെങ്കിലും നന്നായി കൂടെ :വനിതാദിനത്തിൽ പോസ്റ്റുമായി മഞ്ജു പത്രോസ്
- 2023-ലെ ക്രിസ്മസ് വിന്നര് 'നേര്' തന്നെ ! ഷാരൂഖ് പ്രഭാസ് ചിത്രങ്ങള്ക്കൊപ്പം പൊരുതി നേടിയ വിജയം, കളക്ഷന് റിപ്പോര്ട്ട്
- തീപാറും ആക്ഷന് രംഗങ്ങള്,'ടര്ബോ' സമ്പൂര്ണ്ണ ഇടി പടമാക്കാന് ഇവര് കൂടി മമ്മൂട്ടി ചിത്രത്തിന്റെ പുതിയ വിശേഷങ്ങള്
- Jayaram: ഇത് ജയറാമിന്റെ തിരിച്ചുവരവ് ആകുമോ? ഓസ്ലര് കേരളത്തില് മാത്രം 300 സ്ക്രീനുകളില്, മമ്മൂട്ടി ഫാക്ടര് ഗുണം ചെയ്തു
- പ്രണയദിനത്തിനു മുമ്പ് പ്രഖ്യാപനം, വിജയ് ദേവരകൊണ്ട രശ്മിക വിവാഹ നിശ്ചയം ഉടന് ?
Manju Pathrose: സുനിച്ചനുമായി ഡിവോഴ്സ് ആയോ? പാപ്പരാസികള്ക്കുള്ള മറുപടിയുമായി മഞ്ജു
2012 ല് വെറുതെ അല്ല ഭാര്യ എന്ന റിയാലിറ്റി ഷോയിലൂടെയാണ് മഞ്ജു ശ്രദ്ധിക്കപ്പെട്ടത്
Manju Pathrose and Sunichen
Manju Pathrose: ടെലിവിഷന് രംഗത്തും സിനിമയിലും സജീവ സാന്നിധ്യമാണ് നടി മഞ്ജു പത്രോസ്. ബിഗ് ബോസ് മലയാളം സീസണ് രണ്ടില് മത്സരാര്ഥിയായി എത്തിയതോടെ മഞ്ജു സോഷ്യല് മീഡിയയിലും ചര്ച്ചാ വിഷയമായിരുന്നു. സാമൂഹികമാധ്യമങ്ങളില് സ്ഥിരം സാന്നിധ്യമായ മഞ്ജു തന്റെ കുടുംബ വിശേഷങ്ങള് ആരാധകരുമായി പങ്കുവെയ്ക്കാറുണ്ട്. ഇപ്പോള് ഇതാ പാപ്പരാസികളുടെ സംശയങ്ങള്ക്കെല്ലാം വളരെ ബോള്ഡായി മറുപടി നല്കിയിരിക്കുകയാണ് താരം. ഭര്ത്താവ് സുനിച്ചനുമായി മഞ്ജു വേര്പിരിഞ്ഞു എന്നാണ് പാപ്പരാസികള് കഴിഞ്ഞ കുറേ നാളുകളായി പ്രചരിപ്പിക്കുന്നത്. ഇതില് എന്തെങ്കിലും സത്യമുണ്ടോ? മഞ്ജു തന്നെ ഇതിനുള്ള മറുപടി നല്കുകയാണ്.
'സുനിച്ചനുമായിട്ട് ഭയങ്കര പ്രശ്നങ്ങളൊന്നും ഇല്ല. ഞങ്ങള് ഇപ്പോഴും ഭാര്യയും ഭര്ത്താവുമാണ്. ബന്ധം വേര്പെടുത്തിയിട്ടില്ല. ഇനി അഥവാ വിവാഹ മോചനം ആകുകയാണെങ്കില് എല്ലാവരെയും അറിയിക്കുന്നതായിരിക്കും. അപ്പോ പിന്നെ പ്രശ്നമില്ലല്ലോ. സുനിച്ചനെ കാണാത്തത് കൊണ്ടാണ് എല്ലാവര്ക്കും സംശയം. അദ്ദേഹം നാട്ടിലില്ല. ഷാര്ജയിലാണ്,' മഞ്ജു പറഞ്ഞു.
2012 ല് വെറുതെ അല്ല ഭാര്യ എന്ന റിയാലിറ്റി ഷോയിലൂടെയാണ് മഞ്ജു ശ്രദ്ധിക്കപ്പെട്ടത്. കൊല്ലം ജില്ലയിലെ കല്ലുവാതുക്കലാണ് താരത്തിന്റെ ജന്മദേശം. മറിമായം എന്ന ടെലിവിഷന് പരമ്പരയിലെ ശ്യാമള എന്ന കഥാപാത്രം മഞ്ജുവിന്റെ കരിയറില് നിര്ണായകമായി. മുപ്പതിലേറെ സിനിമകളില് അഭിനയിച്ചിട്ടുണ്ട്. സുനിച്ചന് എന്ന് വിളിക്കുന്ന സുനില് ബെര്ണാഡ് ആണ് മഞ്ജുവിന്റെ ജീവിതപങ്കാളി. ഇരുവര്ക്കും ഒരു മകനുണ്ട്. 1986 ഫെബ്രുവരി 27 നാണ് താരത്തിന്റെ ജനനം. മഞ്ജുവിന് ഇപ്പോള് 37 വയസ് കഴിഞ്ഞു.
