അനുബന്ധ വാര്ത്തകള്
- ഏകദിന റാങ്കിങ്: ബൗളര്മാരില് സിറാജ് ഒന്നാമന്
- സഞ്ജു സാംസൺ നാഷണൽ ക്രിക്കറ്റ് അക്കാദമി വിട്ടു, കളിക്കളത്തിൽ തിരിച്ചത്താൻ ഇനി ബിസിസിഐ അനുമതി
- ഒടുവിൽ ഏകദിനത്തിൽ ആക്രമണശൈലിയിലേക്ക് ഇന്ത്യ മാറിയിരിക്കുന്നു, പ്രശംസയുമായി മൈക്കൽ വോൺ
- എന്തുകൊണ്ട് 2011 ശേഷം ലോകകപ്പ് നേടാൻ ഇന്ത്യയ്ക്ക് ആവുന്നില്ല, കാരണം പറഞ്ഞ് ഇർഫാൻ പത്താൻ
- നിന്നെ ഭാവിതാരമായാണ് ഇന്ത്യ കരുതുന്നത്, കുറച്ചുകൂടി മത്സരവീര്യം കാണിക്കണം: ശുഭ്മാൻ ഗില്ലിനെതിരെ കോർത്ത് ആർ ശ്രീധർ, ആ സംഭവം ഇങ്ങനെ
വിമർശകർ കാണുന്നുണ്ടോ? ഐസിസി ഏകദിന ബൗളിങ് റാങ്കിംഗിൽ ഒന്നാമതെത്തി മുഹമ്മദ് സിറാജ്
ഐസിസി ഏകദിന ബൗളിങ് റാങ്കിങ്ങിൽ ഒന്നാം സ്ഥാനത്തെത്തി ഇന്ത്യയുടെ മുഹമ്മദ് സിറാജ്. സമീപകാലത്ത് ഇന്ത്യൻ ടീമിനായി മികച്ച ബൗളിങ് പ്രകടനമാണ് താരം നടത്തുന്നത്. പോയ വർഷത്തെ ഐസിസിയുടെ ഏകദിന ടീമിൽ ഇടം പിടിച്ചതിന് പിന്നാലെയാണ് അഭിമാനർഹമായ നേട്ടം ഇന്ത്യൻ പേസർ സ്വന്തമാക്കിയത്. 729 റേറ്റിംഗ് പോയൻ്റാണ് താരത്തിനുള്ളത്.
ശ്രീലങ്കെക്കെതിരെയും ന്യൂസിലൻഡിനെതിരെയും നടന്ന ഏകദിന പരമ്പരകളിൽ തകർപ്പൻ പ്രകടനമാണ് സിറാജ് പുറത്തെടുത്തത്. ജസ്പ്രീത് ബുമ്രയുടെ അഭാവത്തിൽ ഇന്ത്യൻ പേസ് ആക്രമണത്തിൻ്റെ കുന്തമുനയാണ് സിറാജ്. ശ്രീലങ്കക്കെതിരായ പരമ്പരയിൽ ഒമ്പത് വിക്കറ്റും കിവികൾക്കെതിരെ 5 വിക്കറ്റുമാണ് താരം സ്വന്തമാക്കിയത്. 2022 ജനുവരിയിൽ ബൗളിങ് റാങ്കിംഗിൽ 279ആം സ്ഥാനത്തായിരുന്നു സിറാജ്. 2022ൽ 15 മത്സരങ്ങളിൽ നിന്ന് 4.62 എന്ന മികച്ച എക്കോണമിയിൽ 24 വിക്കറ്റുകളാണ് താരം സ്വന്തമാക്കിയത്.
ഓസ്ട്രേലിയയുടെ പേസ് താരം ജോഷ് ഹേസൽ വുഡാണ് പട്ടികയിൽ രണ്ടാം സ്ഥാനത്തുള്ളത്. ന്യൂസിലൻഡിൻ്റെ ട്രെൻ്റ് ബോൾട്ട് പട്ടികയിൽ മൂന്നാം സ്ഥാനത്താണ്.
