അനുബന്ധ വാര്ത്തകള്
- എന്ഡോസള്ഫാന് ദുരിതബാധിതര്ക്ക് ഓണത്തിന് 1000 രൂപ ധനസഹായം
- സംസ്ഥാനത്ത് ഇന്ന് 2476 പേർക്ക് കൊവിഡ് സ്ഥിരീകരിച്ചു, 13 മരണം, 2243 പേർക്ക് സമ്പർക്കം വഴി രോഗം
- ഇടുക്കി മെഡിക്കല് കോളേജ് ഒപി വിഭാഗത്തിന്റെ ഉദ്ഘാടനം നാളെ മുഖ്യമന്ത്രി നിര്വഹിക്കും
- എട്ട് ജീവനക്കാര്ക്ക് കൊവിഡായതിനെ തുടര്ന്ന് മന്ത്രി എ.സി മൊയ്തീന് നിരീക്ഷണത്തില്
- സര്ക്കാര് മെഡിക്കല് കോളേജുകളിലെ ഡോക്ടര്മാരുടെ ശമ്പളം വര്ദ്ധിപ്പിച്ചു
കോവിഡ് കേസുകള് കൂടുന്നു: ജാഗ്രത കുറഞ്ഞാല് പ്രത്യാഘാതം വലുതായിരിക്കുമെന്ന് ആരോഗ്യ മന്ത്രി
സംസ്ഥാനത്ത് കോവിഡ് കേസുകള് കൂടിവരുന്ന സാഹചര്യത്തില് ജാഗ്രത കുറഞ്ഞാല് പ്രത്യാഘാതം വലുതായിരിക്കുമെന്ന് ആരോഗ്യ വകുപ്പ് മന്ത്രി കെ.കെ. ശൈലജ ടീച്ചര്. എല്ലാ കോവിഡ് പ്രോട്ടോകോളുകളും ലംഘിച്ചാണ് ഇന്നലേയും ഇന്നുമായി പലരും പൊതുനിരത്തുകളിലിറങ്ങി പ്രതിഷേധിച്ചത്. പലരും മാസ്ക് ധരിക്കുകയോ സാമൂഹിക അകലം പാലിക്കുകയോ ചെയ്തിട്ടില്ല. ആരില് നിന്നും ആരിലേക്കും രോഗം പകരാനുള്ള സാധ്യതയാണുള്ളത്.
അവരില് നിന്നും അവരുടെ കുടുംബാംഗങ്ങളിലേക്കും മുതിര്ന്നവരിലേക്കും പകരാന് സാധ്യതയുണ്ട്. മുതിര്ന്നവര്ക്കും അസുഖമുള്ളവര്ക്കും കുട്ടികള്ക്കും രോഗം ബാധിച്ചാല് സ്ഥിതി അതിസങ്കീര്ണമാകും. പെരുമാറ്റച്ചട്ടം ലംഘിക്കുന്നത് അവരോടുംകൂടി ചെയ്യുന്ന ക്രൂരതയാണ്. ദുരന്ത നിവാരണ നിയമമനുസരിച്ചും പകര്ച്ചവ്യാധി നിയന്ത്രണ നിയമമനുസരിച്ചും ഇത് കുറ്റകരവുമാണ്. ജാഗ്രത പാലിച്ചില്ലെങ്കില് പോസിറ്റീവ് കേസുകളുടെ എണ്ണവും മരണനിരക്കും വന് തോതില് വര്ധിക്കാന് ഇടയുണ്ടെന്നും മന്ത്രി വ്യക്തമാക്കി.
