അനുബന്ധ വാര്ത്തകള്
- ജാമ്യമില്ലെങ്കില് ദിലീപിന് പിടിവീഴും ! അറസ്റ്റിനു സാധ്യത
- കുഞ്ചാക്കോ ബോബനെ സ്വാധീനിക്കാന് ദിലീപ് ശ്രമിച്ചു ! ചാക്കോച്ചന്റെ വീട്ടിലെ പരിപാടിക്ക് കാവ്യയ്ക്കൊപ്പം ദിലീപ് എത്തി
- നടിയെ ആക്രമിച്ച കേസില് തനിക്കെതിരെ മൊഴി നല്കിയവരെ സ്വാധീനിക്കാന് ദിലീപ് ശ്രമിച്ചു; പ്രമുഖ നടന്റെ വീട്ടിലെ പരിപാടിക്ക് ക്ഷണിക്കാതെ എത്തി, ആ നടന് കുഞ്ചാക്കോ ബോബനോ?
- 'എന്നും നിന്റെ കൂടെ'; ആക്രമിക്കപ്പെട്ട നടിക്ക് പിന്തുണ അറിയിച്ച് മലയാള സിനിമ താരങ്ങള്
- കുറ്റം ചെയ്തത് ഞാന് അല്ലെങ്കിലും ഒറ്റപ്പെടുത്താന് ഒരുപാട് ശ്രമങ്ങള് ഉണ്ടായിട്ടുണ്ട്: ഭാവന
ആരെയെങ്കിലും വെള്ളപൂശാനോ ന്യായീകരിക്കാനോ ആയിരുന്നില്ല ആ പോസ്റ്റ്; ഇരയ്ക്കൊപ്പമെന്ന് സാന്ദ്രാ തോമസ്
നടിയെ ആക്രമിച്ച കേസിലെ പ്രതി നടന് ദിലീപിനെ വനിത മാഗസിനില് കവര്ചിത്രമായി നല്കിയതിനെ പിന്തുണച്ചതില് വിശദീകരണവുമായി നിര്മാതാവും നടിയുമായ സാന്ദ്ര തോമസ്. താന് ഇരയ്ക്കൊപ്പം തന്നെയാണെന്നും ആരെയെങ്കിലും വെള്ളപൂശാനോ ന്യായീകരിക്കാനോ ആയിരുന്നില്ല ഫെയ്സ്ബുക്ക് പോസ്റ്റ് ഇട്ടതെന്നും സാന്ദ്ര പറഞ്ഞു. തന്റെ പോസ്റ്റ് തെറ്റിദ്ധരിക്കപ്പെടുകയായിരുന്നെന്നും താരം പറഞ്ഞു.
സാന്ദ്രയുടെ ഫെയ്സ്ബുക്ക് പോസ്റ്റ് പൂര്ണരൂപം വായിക്കാം
ചേച്ചി ഇരക്കൊപ്പമോ അതോ വേട്ടക്കാരനൊപ്പമോ...? ഈ ചോദ്യമുന്നയിച്ചുകൊണ്ടുള്ള നിരവധി നിരവധി മെസ്സേജുകള്ക്കുള്ള മറുപടി ഓരോരുത്തര്ക്കും വ്യക്തിപരമായി തരുന്നത് അസൗകര്യമായതിനാലാണ്
ഈ പോസ്റ്റിടുന്നത്.
ഈയൊരു ചോദ്യംതന്നെ അപ്രസക്തമാണ്. തീര്ച്ചയായും ഇരക്കൊപ്പംതന്നെ. എന്റെ കഴിഞ്ഞ ദിവസത്തെ പോസ്റ്റാണ് ഇങ്ങനെ ചിന്തിക്കാന് നിങ്ങളില് കുറച്ചു പേരെയെങ്കിലും പ്രേരിപ്പിച്ചതെങ്കില് നമ്മുടെ തങ്കകൊല്സിന്റെ പ്രായമുള്ള ഒരു കുട്ടിയേയും ഇത്തരമൊരു സാഹചര്യത്തില് വളര്ന്നുവരണ്ട ആ കുഞ്ഞിന്റെ മാനസികാവസ്ഥയും മാത്രമേ ഞാനപ്പോള് ചിന്തിച്ചുള്ളു.
ആരെയെങ്കിലും വെള്ളപൂശാനോ ന്യായീകരിക്കാനോ ആയിരുന്നില്ല ആ പോസ്റ്റ്. രണ്ട് പെണ്കുട്ടികളുടെ അമ്മയായ എനിക്കെങ്ങനെ വേട്ടക്കാരനൊപ്പം നില്ക്കാനാകും...? ആദ്യം വന്ന കുറച്ചു കമന്റ്സ് ഞാനുദ്ദേശിച്ചതിനെ വളച്ചൊടിച്ചാണ് വന്നത്. ബാക്കിയുള്ളവര് അത് പിന്തുടര്ന്നു
തങ്കക്കൊല്സിന് സുഖമില്ലാതെ ഇരുന്നതിനാല് കമന്റുകള്ക്ക് കൃത്യമായി reply ചെയ്യാന് പറ്റിയില്ല. അപ്പോഴേക്കും പോസ്റ്റിന്റെ ഉദ്ദേശം വേറെ വഴിക്ക് കൊണ്ടുപോകപ്പെട്ടിരുന്നു. എന്നെ അറിയാവുന്നവര് ഇതൊന്നും വിശ്വസിക്കില്ല എന്നറിയാം എങ്കിലും ഒരു ക്ലാരിഫിക്കേഷന് തരണമെന്ന് തോന്നി. ഞാന് ഇരയ്ക്കൊപ്പം തന്നെയാണ്.
