വെള്ളി, 26 ഏപ്രില്‍ 2024
സോഷ്യല്‍ മീഡിയയില്‍ സജീവ സാന്നിധ്യമായ നിമിഷ പങ്കുവെച്ച പുതിയ ചിത്രങ്ങളാണ് ഇപ്പോള്‍ ആരാധകര്‍ ഏറ്റെടുത്തിരിക്കുന്നത്. നെഞ്ചിലെ ടാറ്റുവും ഏവരേയും മയക്കുന്ന ചിരിയുമാണ് ഈ ചിത്രങ്ങളിലെ ശ്രദ്ധാകേന്ദ്രം.
രാജീവ് രവി സംവിധാനം ചെയ്ത തുറമുഖമാണ് നിമിഷയുടേതായി ഇനി തിയറ്ററുകളിലെത്താനുള്ളത്. ജൂണ്‍ 10 ന് ചിത്രം റിലീസ് ചെയ്യും. ആസിഫ് അലി, ആന്റണി വര്‍ഗീസ്, നിമിഷ സജയന്‍ എന്നിവരെ പ്രധാന കഥാപാത്രങ്ങളാക്കി ജിസ് ജോയ് സംവിധാനം ചെയ്ത 'ഇന്നലെ വരെ' റിലീസിന് ഒരുങ്ങുകയാണ്. ജൂണ്‍ 9ന് ചിത്രം സോണി ലീവില്‍ റിലീസാകും. ഡോക്ടര്‍ ബിജു സംവിധാനം ചെയ്യുന്ന അദൃശ്യ ജാലകങ്ങള്‍ എന്ന സിനിമയില്‍ ടൊവിനോയുടെ നായികയായും നിമിഷ അഭിനയിക്കും.
1997 ജനുവരി നാലിനാണ് നിമിഷയുടെ ജനനം. ഈട, ഒരു കുപ്രസിദ്ധ പയ്യന്‍, മംഗല്യം തന്തുനാനേന, 41, ചോല, സ്റ്റാന്റ് അപ്പ്, ദ ഗ്രേറ്റ് ഇന്ത്യന്‍ കിച്ചണ്‍, വണ്‍, നായാട്ട്, മാലിക്ക് എന്നിവയാണ് നിമിഷയുടെ ശ്രദ്ധേയമായ മറ്റ് സിനിമകള്‍.