അനുബന്ധ വാര്ത്തകള്
- അന്ന് മുതല് മരണത്തെ കുറിച്ച് ആലോചിച്ചു തുടങ്ങി, മാനസികമായി മമ്മൂട്ടി തളര്ന്നത് ആ സംഭവത്തോടെ
- എടച്ചേന കുങ്കന് സുരേഷ് ഗോപിയായിരുന്നു; മമ്മൂട്ടിയുമായുള്ള പിണക്കത്തെ തുടര്ന്ന് 'നോ' പറഞ്ഞു
- ഭരത്ചന്ദ്രന്മാരില് ഒതുക്കപ്പെട്ടു; സുരേഷ് ഗോപി അഥവാ അണ്ടര്റേറ്റഡ് നടന്
- മമ്മൂട്ടിയെ 'വെട്ടി' ദേശീയ അവാര്ഡ് കരസ്ഥമാക്കിയ ഭരത് സുരേഷ് ഗോപി
- സുരേഷ് ഗോപിയും മമ്മൂട്ടിയും തമ്മില് കടുത്ത ശത്രുതയിലായിരുന്നു; വര്ഷങ്ങള്ക്ക് ശേഷവും കാരണം അറിയാതെ സിനിമാലോകം
അങ്ങനെയാണ് ഏറ്റവും ഇഷ്ടമുള്ള പുകവലി മമ്മൂട്ടി നിര്ത്തിയത്!
ഒരുകാലത്ത് നന്നായി പുകവലിച്ചിരുന്ന വ്യക്തിയായിരുന്നു നടന് മമ്മൂട്ടി. താരം തന്നെ ഇതേകുറിച്ച് പലപ്പോഴും തുറന്നുപറഞ്ഞിട്ടുണ്ട്. എന്നാല്, മമ്മൂട്ടി പുകവലി ഉപേക്ഷിക്കാന് ഒരു കാരണമുണ്ട്. ആ കാരണം കേട്ടാല് തീര്ച്ചയായും സോഷ്യല് മീഡിയ കൈയടിക്കും.
മറ്റുള്ളവര്ക്ക് വേണ്ടിയാണ് താരം തനിക്ക് ഏറ്റവും ഇഷ്ടപ്പെട്ട പുകവലി നിര്ത്തുന്നത്. കൈരളി ടിവിക്ക് നല്കിയ പഴയൊരു അഭിമുഖത്തിലാണ് താരം ഇത് വെളിപ്പെടുത്തിയത്. പുകവലിക്കുന്നത്, തനിക്ക് മാത്രമല്ല എല്ലാവര്ക്കും വലിയ ദോഷം ചെയ്യുന്നതാണെന്ന് മമ്മൂട്ടി അന്ന് പറഞ്ഞു. പുകവലി കാരണം മറ്റ് ആരോഗ്യപ്രശ്നങ്ങളൊന്നും തനിക്ക് ഉണ്ടായിരുന്നില്ല. എന്നാല് തന്നെ അനുകരിക്കുന്ന ചിലര്ക്ക് വേണ്ടി അത് ഉപേക്ഷിക്കുന്നതായിരിക്കും നല്ലതെന്ന് തോന്നി. അങ്ങനെ തനിക്ക് ഏറ്റവും ഇഷ്ടപ്പെട്ട ശീലം നിര്ത്തുകയായിരുന്നുവെന്നും മമ്മൂട്ടി പറഞ്ഞു.
പുകവലിക്കുന്നത് വളരെ ഇഷ്ടമുള്ള കാര്യമാണ്. എന്നാല്, ശരീരത്തിനു അത് വളരെ ദോഷം ചെയ്യും. 'നമ്മുടെ ശരീരത്തിന് ഇഷ്ടമല്ലാത്ത കാര്യമാണ് അതിനോട് അനുവാദം ചോദിക്കാതെ കടത്തി വിടുന്നത്. നമുക്ക് ജീവിക്കാന് പുകയുടെ ആവശ്യമില്ല. ആഹാരപദാര്ഥങ്ങളും വായവു മതിയല്ലോ. അത് ശരിയല്ല എന്ന് തനിക്ക് തോന്നി വളരെ ഇഷ്ടപ്പെട്ട ശീലം ഉപേക്ഷിക്കുകയായിരുന്നു,' മമ്മൂട്ടി പറഞ്ഞു.
