ദിലീപിനെ നായകനാക്കി ജോണി ആന്റണി സംവിധാനം ചെയ്ത സി.ഐ.ഡി മൂസ 2003 ലാണ് പുറത്തിറങ്ങിയത്.ദിലീപ്, മുരളി, ജഗതി ശ്രീകുമാര്‍, ഹരിശ്രീ അശോകന്‍, ഭാവന തുടങ്ങിയ വലിയ താരനിര തന്നെ ഉണ്ടായിരുന്നു. ചിത്രത്തിന്റെ രണ്ടാം ഭാഗത്തിനുള്ള സാധ്യതയെക്കുറിച്ച് സംവിധായകന്‍ തന്നെ തുറന്നു പറയുകയാണ്.

സിഐഡി മൂസ തന്റെ കരിയറിലെ ഒരു വഴിത്തിരിവായിരുന്നുവെന്ന് ജോണി ആന്റണി. ദിലീപ് രണ്ടാം ഭാഗം ചെയ്യാന്‍ തയ്യാറാണെങ്കില്‍ അടുത്ത ദിവസം തന്നെ പ്രൊജക്റ്റിന് തുടക്കമാകും എന്നും അദ്ദേഹം കൂട്ടിച്ചേര്‍ത്തു.

ആദ്യ ഭാഗത്തിലെ ഒട്ടുമിക്ക പ്രമുഖ നടന്മാരും ഇന്ന് നമ്മോടൊപ്പമില്ലാത്തതിനാല്‍ 'സിഐഡി മൂസ'യുടെ രണ്ടാം ഭാഗം ശരിക്കും വെല്ലുവിളി നിറഞ്ഞ ഒന്നാണെന്നും ജോണി ആന്റണി പറഞ്ഞു. ഫിലിം മേക്കിങ്ങില്‍ തന്റെ കഴിവ് തെളിയിക്കാന്‍ അവസരം നല്‍കിയത് ദിലീപാണെന്നും അദ്ദേഹം ഒരു അഭിമുഖത്തിനിടെ പറഞ്ഞു.