കെ ആര്‍ അനൂപ്|
Last Modified ബുധന്‍, 12 മെയ് 2021 (14:18 IST)
നടന്‍ അല്ലു അര്ജുന് കോവിഡ് നെഗറ്റീവായി. നടന്‍ തന്നെയാണ് ഈ കാര്യം അറിയിച്ചത്.
'15 ദിവസത്തെ ക്വാറന്റൈനു ശേഷം എനിക്ക് നെഗറ്റീവ് ആയി.എന്റെ എല്ലാ അഭ്യുദയകാംക്ഷികള്‍ക്കും ആരാധകര്‍ക്കും അവരുടെ ആശംസകള്‍ക്കും പ്രാര്‍ത്ഥനകള്‍ക്കും നന്ദി പറയാന്‍ ഞാന്‍ ആഗ്രഹിക്കുന്നു. ഈ ലോക്ക് ഡൗണ്‍ കേസുകള്‍ കുറയ്ക്കുന്നതിന് നമ്മളെ സഹായിക്കും. വീട്ടിലായിരിക്കുക, സുരക്ഷിതമായിരിക്കുക. എല്ലാ സ്‌നേഹത്തിനും നന്ദി'- അല്ലു അര്ജുന് ട്വീറ്റ് ചെയ്തു.
കഴിഞ്ഞ 15 ദിവസം നടന്‍ ഏറ്റവും അധികം മിസ്സ് ചെയ്തത് മക്കളെയാണ്. ക്വാറന്റൈനു ശേഷം വീട്ടില്‍ തിരിച്ചെത്തിയ നടന്‍ മക്കളായ അയാന്‍, അര്‍ഹ എന്നിവരെ കെട്ടിപിടിച്ചു ചുംബിക്കുന്ന വീഡിയോയും അദ്ദേഹം പങ്കുവച്ചു.
'പുഷ്പ' യുടെ ഷൂട്ടിങ്ങിന് ആയിരുന്നു നടന്‍. നിലവില്‍ ചിത്രീകരണം നിര്‍ത്തിവെച്ചിരിക്കുകയാണ്. ഈ ചിത്രം രണ്ടുഭാഗങ്ങളായി റിലീസ് ചെയ്യും എന്നു പറയപ്പെടുന്നു.
