ഏഴ് ഓണ സിനിമകള്
എ.കെ ജെ അയ്യര്
ഇക്കുറി ഓണത്തിന് ഏഴു മലയാള സിനിമകളാണ് റിലീസാവുന്നത്. സ്വാതന്ത്ര്യ ദിനത്തിന്റെ പിറ്റേന്നു മുതല് ഓഗസ്റ്റ് 24 ന് വെള്ളിയാഴ്ച വരെ റിലീസാവുന്ന ചിത്രങ്ങളെയാണ് ഓണ സിനിമകളുടെ പട്ടികയില് പെടുത്തുന്നത്. സൂപ്പര് താരങ്ങളുടെയെല്ലാം ചിത്രങ്ങള് ഇക്കുറി ഓണത്തിനുണ്ട്. അതുപോലെ തന്നെ ഒരു പുതുമുഖ സിനിമയുമുണ്ട്. സുരേഷ് ഗോപികക്കും നവ്യാ നായര്ക്കും ഈ ഓണത്തിന് രണ്ട് ചിത്രങ്ങളുണ്ട് എന്നതാണ് ഒരു സവിശേഷത.ഓണത്തിനിറങ്ങുന്ന ചിത്രങ്ങള്:* മോഹന്ലാലിന്റെ അലിഭായി* മമ്മൂട്ടിയുടെ ഒരേ കടല്* സുരേഷ് ഗോപിയുടെ ബ്ലാക്ക് ക്യാറ്റ്* ജയറാമിന്റെ സീതാ കല്യാണം* കലാഭവന് മണിയുടെ ഇന്ദ്രജിത്ത്* പുതുമുഖങ്ങളുടെ നിവേദ്യം* സുരേഷ് ഗോപിയുടെ തന്നെ കിച്ചാമണി എം.ബി.എമോഹന്ലാല്, ഗോപിക, നവ്യാനായര് എന്നിവര് അഭിനയിക്കുന്ന അലിഭായി ഓഗസ്റ്റ് 15 നു തന്നെ പുറത്തിറങ്ങി. ഷാജി കൈലാസ് ആണ് സംവിധായകന്. പതിവ് ഷാജി ചിത്രങ്ങളെപ്പോലെ മോഹന്ലാലിന്റെ ഹീറോയിസമാണ് ഇതിലെ പ്രമേയം. അലിഭായിയുടെ യഥാര്ത്ഥ കഥയിലെ നായകന് ഇപ്പോഴും ജീവിച്ചിരിപ്പുണ്ട്. 
ശ്യാമപ്രസാദ് സംവിധാനം ചെയ്യുന്ന ഒരേ കടല് എന്ന ചിത്രത്തിന്റെ ഏറ്റവും വലിയ സവിശേഷത ഇത്രയും കാലത്തിനിടയ്ക്ക് മീരാജാസ്മിന് ആദ്യമായി മമ്മൂട്ടിയോടൊപ്പം അഭിനയിക്കുന്നു എന്നതാണ്. അലക്ഷ്യമായി ജീവിച്ച് ജീവിതം തുലയ്ക്കുന്ന സാമ്പത്തിക വിദഗ്ദ്ധന്റെ ജീവിതത്തിലേക്ക് ഒരു പെണ്കുട്ടി കടന്നുവരുന്നതാണ് ചിത്രത്തിന്റെ പ്രമേയം. നരേന് ഈ ചിത്രത്തില് ശ്രദ്ധേയമായ ഒരു കഥാപാത്രത്തെ അവതരിപ്പിക്കുന്നു.
സുരേഷ് ഗോപി പുതിയ രൂപത്തിലും ഭാവത്തിലും പ്രത്യക്ഷപ്പെടുന്ന ചിത്രമാണ് വിനയന്റെ ബ്ലാക് ക്യാറ്റ്. കണ്ണൂരില് ഒരു മന്ദബുദ്ധിയായി ജീവിച്ച് മുംബൈയിലെത്തി പ്രതികാരം തീര്ത്ത് അസാധാരണ നായകനായി തീരുന്ന ഈ ചിത്രത്തില് മുകേഷ് പ്രധാന റോളില് അഭിനയിക്കുന്നുണ്ട്. മീനയും കാര്ത്തികയുമാണ് നായികമാര്.
