അനുബന്ധ വാര്ത്തകള്
- നാലുവര്ഷത്തിനുള്ളില് ചൊവ്വയില് പേടകം ഇറക്കുമെന്ന പ്രഖ്യാപനവുമായി ഇലോണ് മസ്ക്
- രാജ്യം തിരഞ്ഞെടുപ്പ് ചൂടിലേക്ക്; അഞ്ചു സംസ്ഥാനങ്ങളില് നിയമസഭാ തിരഞ്ഞെടുപ്പ് തീയതി പ്രഖ്യാപിച്ചു
- അഫ്ഗാനിസ്ഥാനിലെ ഭൂകമ്പത്തില് മരണസംഖ്യ 2500 കടന്നു
- മദ്യപാനം തീരെയില്ല,ശരീര സൗന്ദര്യം നിലനിര്ത്തുക എന്നത് ചില്ലറ കാര്യമല്ല!രാംചരണിന്റെ ഫിറ്റ്നസ് രഹസ്യം ഇതാണ്
- പാലക്കാട് വാടക വീട്ടില് ഭാര്യയേയും ഭര്ത്താവിനേയും മരിച്ച നിലയില് കണ്ടെത്തി
തിരുവനന്തപുരത്ത് 17കാരിയെ കടന്ന് പിടിച്ച കേസില് ബീഹാര് സ്വദേശിക്ക് പത്ത് വര്ഷം കഠിന തടവും 40000 രൂപ പിഴയും
തിരുവനന്തപുരം: പതിനേഴ്കാരിയായ സ്കൂള് വിദ്യാര്ത്ഥിനിയെ കടന്ന് പിടിച്ച് ലൈംഗിക അതിക്രമത്തിന് ഇരയാക്കിയ ബിഹാര് സ്വദേശിയായ പ്രതി സംജയിനെ(20) പത്ത് വര്ഷം കഠിനതടവും നാല്പ്പതിനായിരം രൂപ പിഴയ്ക്കും തിരുവനന്തപുരം അതിവേഗ കോടതി ജഡ്ജി ആര്. രേഖയാണ് ശിക്ഷിച്ചത്. പിഴ തുക അടച്ചില്ലെങ്കില് എട്ട് മാസം കൂടുതല് തടവ് അനുഭവിക്കണം.
2022 ജൂണ് ഏഴിന് ഉച്ചക്ക് നന്തന്ക്കോട് കെസ്റ്റന് റോഡില് വെച്ചാണ് കേസിനാസ്പദമായ സംഭവം നടന്നത്. ഉച്ചയ്ക്ക് സ്കൂളില് നിന്നും കുട്ടുകാരിയോടൊപ്പം കുട്ടി ഹോസ്റ്റലിലോട്ട് നടന്ന് പോവുകയായിരുന്നു. പ്രതി എതിരെ നടന്ന് വന്ന് കുട്ടിയുടെ സ്വകാര്യ ഭാഗത്ത് പിടിച്ച് ലൈംഗിക അതിക്രമം നടത്തി. സംഭവത്തില് ഭയന്ന കുട്ടിയും കൂട്ടുകാരിയും നിലവിളിച്ചതിനെ തുടര്ന്ന് പ്രതി ഓടി.ഇത് കണ്ട് നിന്നവര് പ്രതിയെ ഓടിച്ച് പിടികൂടി പൊലീസില് ഏല്പ്പിച്ചു.
