അത് പീഡനമായിരുന്നില്ലെന്നും സമ്മതത്തോടെയുള്ള ലൈംഗിക ബന്ധമായിരുന്നുവെന്നും പരാതിക്കാരി കോടതിയെ അറിയിച്ചു. നിരീക്ഷണത്തിലായിരിക്കെ പരിശോധനയ്‌ക്കെന്നു പറഞ്ഞ് യുവതിയെ വീട്ടില്‍ വിളിച്ചുവരുത്തി ഹെല്‍ത്ത് ഇന്‍സ്‌പെക്ടര്‍ പീഡിപ്പിച്ചെന്ന കേസിലായിരുന്നു പരാതിക്കാരിയായ യുവതി കോടതിയില്‍ ഇക്കാര്യം പറഞ്ഞത്. ഇതേത്തുടര്‍ന്ന് ഹെല്‍ത്ത് ഇന്‍സ്‌പെക്ടര്‍ക്ക് കോടതി ജാമ്യം അനുവദിച്ചു.

ഹൈക്കോടതിയാണ് ജാമ്യം അനുവദിച്ചത്. കോവിഡ് സര്‍ട്ടിഫിക്കറ്റ് തരാമെന്ന് പറഞ്ഞ് വീട്ടില്‍ വിളിച്ചുവരുത്തി പീഡിപ്പിച്ചുവെന്നായിരുന്നു യുവതി ആദ്യം പരാതി നല്‍കിയത്. ഇവരുടെ പരാതിയില്‍ പങ്ങോട് പൊലീസ് ആരോപണ വിധേയനെ അറസ്റ്റു ചെയ്തിരുന്നു. കാലുകള്‍ കട്ടിലില്‍ കെട്ടിയിട്ട് പീഡിപ്പിച്ചെന്നായിരുന്ന യുവതിയുടെ പരാതി.