കിഫ്ബി അവലോകന റിപ്പോര്ട്ടില് ഗുരുതരമായ ക്രമക്കേടുകള് കണ്ടെത്തി; ഭൂമി ഏറ്റെടുക്കലില് വലിയ തട്ടിപ്പ് നടന്നതായി മുഖ്യമന്ത്രി വിഡി സതീശന്
തിരുവനന്തപുരം: കേരള ഇന്ഫ്രാസ്ട്രക്ചര് ഇന്വെസ്റ്റ്മെന്റ് ഫണ്ട് ബോര്ഡിലെ (കിഫ്ബി) ക്രമക്കേടുകള് സംബന്ധിച്ച ആരോപണങ്ങളില് വിശദമായ അന്വേഷണം നടത്തുമെന്ന് മുഖ്യമന്ത്രി വി. ഡി. സതീശന് പ്രഖ്യാപിച്ചു. കിഫ്ബിയുടെ അവലോകന റിപ്പോര്ട്ടില് കണ്ടെത്തിയ ഗുരുതരമായ വിവരങ്ങളുടെ അടിസ്ഥാനത്തിലാണ് ഈ തീരുമാനം. KIIFB ധനവകുപ്പിനെ തഴയുകയും, ഭൂമി ഏറ്റെടുക്കലുമായി ബന്ധപ്പെട്ട് ഗുരുതരമായ ക്രമക്കേടുകള് നടത്തുകയും ചെയ്തുവെന്ന് അദ്ദേഹം പറഞ്ഞു. KIIFB എടുക്കുന്ന വായ്പകള്ക്ക് സര്ക്കാര് ഗ്യാരണ്ടി ആവശ്യമില്ലെന്ന ധനവകുപ്പിന്റെ ശുപാര്ശയെ മറികടന്നുകൊണ്ടുള്ള KIIFB-യുടെ തീരുമാനം 'റൂള്സ് ഓഫ് ബിസിനസ്' (Rules of Business) ലംഘിക്കുന്നതാണെന്നും മുഖ്യമന്ത്രി ചൂണ്ടിക്കാട്ടി.
മന്ത്രിസഭാ യോഗ തീരുമാനങ്ങള് മാധ്യമങ്ങളെ അറിയിക്കവെ കിഫ്ബി (KIIFB) സംബന്ധമായ പ്രവര്ത്തനങ്ങള് കാരണം സംസ്ഥാനത്തിന്റെ വായ്പാ പരിധി കുറഞ്ഞുവെന്ന് സതീശന് പറഞ്ഞു. കിഫ്ബി വഴിയുള്ള ചെലവുകളെ 'ധൂര്ത്ത്' എന്ന് വിശേഷിപ്പിച്ച അദ്ദേഹം ഇതിനായി പ്രതിവര്ഷം 396 കോടി രൂപ അധിക പലിശയിനത്തില് സംസ്ഥാനം നല്കേണ്ടി വരുന്നുണ്ടെന്നും വ്യക്തമാക്കി. കിഫ്ബി പ്രവര്ത്തനങ്ങള് മൂലം 1,250 കോടി രൂപയുടെ അധിക ചെലവുണ്ടായെന്നും മസാല ബോണ്ടുകള് വഴി 183 കോടി രൂപയുടെ നഷ്ടമുണ്ടായെന്നും അദ്ദേഹം കൂട്ടിച്ചേര്ത്തു.
