പത്തുമിനിറ്റോളം രക്തമൊലിപ്പിച്ച് എഎസ്‌ഐ റോഡില്‍ കിടന്നിട്ടും ആരും തിരിഞ്ഞുനോക്കിയില്ല. ബുധനാഴ്ച രാത്രി പതിനൊന്നുമണിക്കാണ് അപകടം നടന്നത്. മണ്ണൂത്തി സ്റ്റേഷന്‍ എഎസ് ഐ ജോണ്‍സനാണ് മരിച്ചത്. സ്‌കൂട്ടറില്‍ സഞ്ചരിക്കവെ പശു ഇടിച്ചാണ് അപകടം ഉണ്ടായത്. അപകടത്തില്‍ പെട്ട് ജോണ്‍സണ്‍ കിടക്കുന്നത് കണ്ടിട്ടും ആരും തിരിഞ്ഞു നോക്കിയിരുന്നില്ല. ഒടുവില്‍ നിലമ്പൂര്‍ സ്വദേശി മുഹമ്മദ് ഫായസാണ് ആശുപത്രിയില്‍ എത്തിച്ചത്. അപ്പോഴേക്കും ജോണ്‍സന്റെ ജീവന്‍ നഷ്ടപ്പെട്ടിരുന്നു.