അനുബന്ധ വാര്ത്തകള്
- മുകേഷ് ഉടന് രാജിവയ്ക്കില്ല; പരാതി നല്കിയാല് ആലോചിക്കാമെന്ന് സര്ക്കാര്
- ഇരട്ട ന്യൂനമർദ്ദം, ന്യൂനമർദ്ദ പാത്തി, സംസ്ഥാനത്ത് ശക്തമായ മഴയ്ക്ക് സാധ്യത
- ഓണ കളറാകും, 2 മാസത്തെ ക്ഷേമ പെൻഷൻ ഒരുമിച്ച് നൽകാൻ സർക്കാർ
- സംവിധായകന് വികെ പ്രകാശിനെതിരെ ലൈംഗിക അതിക്രമ ആരോപണവുമായി യുവകഥാകാരി
- ആറന്മുളയില് വള്ളസദ്യക്കെത്തിയയാള് പമ്പയാറ്റില് മുങ്ങിമരിച്ചു
ഓണത്തോടനുബന്ധിച്ചു ലഭിക്കുക മൂന്ന് മാസത്തെ ക്ഷേമ പെന്ഷന്
ഓണത്തിനോടനുബന്ധിച്ച് 4800 രൂപയായിരിക്കും ക്ഷേമപെന്ഷന്കാര്ക്ക് ആകെ ലഭിക്കുക
എല്ഡിഎഫ് സര്ക്കാര് ക്ഷേമപെന്ഷന് എല്ലാ മാസവും മുടക്കമില്ലാതെ നല്കുമെന്ന് ധനമന്ത്രി കെ.എന്.ബാലഗോപാല്. ഓണത്തിന് രണ്ട് മാസത്തെ ക്ഷേമപെന്ഷന് ഒന്നിച്ച് നല്കും. ഓണത്തോടനുബന്ധിച്ച് മൂന്ന് ഗഡു ക്ഷേമ പെന്ഷന് വിതരണം ചെയ്യുമെന്നും മന്ത്രി പറഞ്ഞു.
ഓഗസ്റ്റ് മാസത്തെ ഗഡു ഈ ആഴ്ചയിലും സെപ്റ്റംബര് ആദ്യവാരം രണ്ട് ഗഡുവും വിതരണം ചെയ്യാനാണ് തീരുമാനം. ഓണത്തിന് മുന്പ് പെന്ഷന് വിതരണം പൂര്ത്തിയാക്കും. സാമ്പത്തിക പ്രയാസങ്ങള്ക്കിടയിലും ക്ഷേമ പെന്ഷന്കാരെ ചേര്ത്തുപിടിച്ചുള്ള നടപടിയാണ് സംസ്ഥാന സര്ക്കാര് സ്വീകരിക്കുന്നതെന്നും മന്ത്രി പറഞ്ഞു.
ഓണത്തിനോടനുബന്ധിച്ച് 4800 രൂപയായിരിക്കും ക്ഷേമപെന്ഷന്കാര്ക്ക് ആകെ ലഭിക്കുക. സംസ്ഥാനത്തെ 60 ലക്ഷത്തോളം വരുന്ന ക്ഷേമപെന്ഷന്കാര്ക്ക് വലിയ ആശ്വാസമാണ് സര്ക്കാര് നടപടി. ഈ സാമ്പത്തിക വര്ഷത്തില് ഏപ്രില് മാസം മുതല് ഈ മാസം വരെയും പെന്ഷന് വിതരണത്തില് കുടിശ്ശികയുണ്ടായിട്ടില്ല. നിലവില് ഉണ്ടായിരുന്ന കുടിശ്ശിക അവസാന ഘട്ടത്തിലേക്ക് എത്തിക്കാനും സാധിച്ചു.
