അനുബന്ധ വാര്ത്തകള്
- കേരള തീരം മുതല് തെക്കന് ഗുജറാത്ത് തീരം വരെ ന്യുനമര്ദ്ദ പാത്തി; രണ്ടുജില്ലകളില് യെല്ലോ അലര്ട്ട്
- പുതുതായി നിലവില് വന്ന ഭാരതീയ ന്യായസംഹിത പ്രകാരമുള്ള സംസ്ഥാനത്തെ ആദ്യത്തെ കേസ് കൊണ്ടോട്ടിയില് റിപ്പോര്ട്ട് ചെയ്തു
- അമീബിക്ക് മെനിഞ്ചോ എന്സെഫലൈറ്റിസിസ്: ചെവിയില് പഴുപ്പുള്ള കുട്ടികള് കുളത്തിലും കെട്ടിക്കിടക്കുന്ന വെള്ളത്തിലും കുളിക്കാന് പാടില്ല
- മഴ കുറയുന്നു! ഇന്ന് രണ്ടുജില്ലകളില് മാത്രം യെല്ലോ അലര്ട്ട്
- ന്യൂനമര്ദ്ദ പാത്തിയും ചക്രവാതചുഴിയും; സംസ്ഥാനത്ത് മഴ തുടരും, ആറ് ജില്ലകളില് യെല്ലോ അലര്ട്ട്
സംസ്ഥാനത്ത് വീണ്ടും അമീബിക് മസ്തിഷ്ക ജ്വരം ബാധിച്ച് മരണം; കോഴിക്കോട് ചികിത്സയിലായിരുന്ന 12കാരന് മരിച്ചു
സംസ്ഥാനത്ത് വീണ്ടും അമീബിക് മസ്തിഷ്ക ജ്വരം ബാധിച്ച് മരണം. കോഴിക്കോട് ചികിത്സയിലായിരുന്ന 12കാരന് മരിച്ചു. രാമനാട്ടുകര ഫാറൂഖ് കോളജിനുസമീപം ഇരുമൂളിപ്പറമ്പ് കൗസ്തുഭത്തില് അജിത് പ്രസാദ്-ജ്യോതി ദമ്പതികളുടെ മകന് ഇപി മൃദുല് ആണ് മരിച്ചത്. ഗുരുതരാവസ്ഥയില് ദിവസങ്ങളോളം വെന്റിലേറ്ററിന്റെ സഹായത്തോടെയായിരുന്നു കുട്ടിയുടെ ജീവന് നിലനിര്ത്തിയിരുന്നത്.
മൃദുലിന്റെ മരണത്തോടെ അമീബിക് മസ്തിഷ്ക ജ്വരം ബാധിച്ച് അടുത്തിടെയായി മരിച്ച കുട്ടികളുടെ എണ്ണം മൂന്നായി. കണ്ണൂര്, മലപ്പുറം സ്വദേശികളാണ് നേരത്തെ മരിച്ചത്. കണ്ണൂര് തോട്ടടയിലെ രാഗേഷ് ബാബു-ധന്യ ദമ്പതികളുടെ മകള് വി ദക്ഷിണ (13) കോഴിക്കോട്ടെ സ്വകാര്യ ആശുപത്രിയില് ചികിത്സയിലിരിക്കെ ജൂണ് പന്ത്രണ്ടിനാണ് മരിച്ചത്. ജനുവരിയില് സ്കൂളില് നിന്ന് മുന്നാറിലേക്ക് പഠനയാത്ര പോയ സമയത്ത് കുട്ടി സ്വിമ്മിങ് പൂളില് കുളിച്ചിരുന്നു. ഇതാണ് രോഗബാധയ്ക്കു കാരണമായതെന്നാണു സംശയിക്കുന്നത്.
