അനുബന്ധ വാര്ത്തകള്
- പ്ലസ് വണ്ണില് ചേര്ന്ന് വിദ്യാര്ത്ഥിയെ സീനിയര് വിദ്യാര്ത്ഥികള് റാഗിങ് ചെയ്തു; മലപ്പുറത്ത് വേങ്ങരയില് മര്ദ്ദനമേറ്റ വിദ്യാര്ത്ഥി ആശുപത്രിയില്
- ഭക്ഷണം തൊണ്ടയിൽ കുടുങ്ങി നാലാം ക്ലാസുകാരി മരിച്ചു
- പോലീസുകാര്ക്കിടയിലെ ആത്മഹത്യ പ്രവണത തടയാന് യോഗ സഹായിക്കുമെന്ന് മുഖ്യമന്ത്രി; എട്ടുമണിക്കൂര് ജോലി വേഗത്തില് നടപ്പിലാക്കാന് സാധിക്കില്ല
- ന്യൂനമര്ദ്ദ പാത്തിയും ചക്രവാതചുഴിയും; കേരളത്തില് മഴ കനക്കും
- അപകടങ്ങള്ക്ക് സാധ്യത; കോഴിക്കോട് വിമാനത്താവള പരിസരത്ത് പറക്കും ബലൂണുകള്ക്കും ലേസര് ബീം ലൈറ്റുകള്ക്കും നിരോധനം
ന്യൂനമര്ദ്ദ പാത്തിയും ചക്രവാതചുഴിയും; സംസ്ഥാനത്ത് മഴ തുടരും, ആറ് ജില്ലകളില് യെല്ലോ അലര്ട്ട്
ഇന്ന് സംസ്ഥാനത്തെ ആറ് ജില്ലകളില് യെല്ലോ അലര്ട്ടാണ്
സംസ്ഥാനത്ത് വരും ദിവസങ്ങളിലും മഴ തുടരുമെന്ന് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്. കേരള തീരം മുതല് മഹാരാഷ്ട്ര തീരംവരെ ന്യുനമര്ദ്ദ പാത്തി സ്ഥിതിചെയ്യുന്നു. വടക്കന് ഗുജറാത്തിനു മുകളില് ചക്രവാതചുഴി സ്ഥിതിചെയ്യുന്നു. ഇതിന്റെ ഫലമായി കേരളത്തില് അടുത്ത അഞ്ച് ദിവസം വ്യാപകമായി ഇടി / മിന്നല് എന്നിവയോടു കൂടിയ മിതമായ / ഇടത്തരം മഴക്ക് സാധ്യത. ജൂലൈ മൂന്ന് വരെ ഒറ്റപ്പെട്ടയിടങ്ങളില് ശക്തമായ മഴയ്ക്ക് സാധ്യതയുണ്ടെന്നും കേന്ദ്ര കാലാവസ്ഥ വകുപ്പ് മുന്നറിയിപ്പ് നല്കുന്നു.
ഇന്ന് സംസ്ഥാനത്തെ ആറ് ജില്ലകളില് യെല്ലോ അലര്ട്ടാണ്. തിരുവനന്തപുരം, കൊല്ലം, ആലപ്പുഴ, കോഴിക്കോട്, കണ്ണൂര്, കാസര്ഗോഡ് ജില്ലകളിലാണ് യെല്ലോ അലര്ട്ട്. 24 മണിക്കൂറില് 64.5 മില്ലിമീറ്ററില് മുതല് 115.5 മില്ലിമീറ്റര് വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ അഥവാ യെല്ലോ അലര്ട്ട് എന്നതുകൊണ്ട് കേന്ദ്ര കാലാവസ്ഥ വകുപ്പ് അര്ത്ഥമാക്കുന്നത്. ഇടിമിന്നലോടു കൂടിയ മഴയാണ് പ്രതീക്ഷിക്കുന്നത്.
