അനുബന്ധ വാര്ത്തകള്
- ഇ-ബുള് ജെറ്റ് സഹോദരന്മാരുടെ നിയമലംഘനങ്ങള് ഗതാഗതവകുപ്പിനെ വിളിച്ചുപറഞ്ഞത് മറ്റൊരു വ്ളോഗര്; വന് കുടിപ്പകയുടെ കഥകള് പുറത്ത്
- പൊതുമുതല് നശീകരണം തടയല് നിയമത്തിലെ 3(1) വകുപ്പ്, ഒന്പത് വര്ഷം വരെ തടവുശിക്ഷ ലഭിക്കാം; ഇ ബുള്ജെറ്റ് സഹോദരന്മാര്ക്കെതിരെയുള്ള കേസ് ജാമ്യമില്ലാവകുപ്പ് പ്രകാരം, ആറ് വകുപ്പുകള് ഇതൊക്കെ
- ഇ-ബുള് ജെറ്റ് വിഷയം: ഇതൊക്കെ എന്തിനാ തന്നോട് പറയുന്നേ എന്ന് മുകേഷ്, 'ഓരോരോ മാരണങ്ങളേ...' എന്നും പ്രതികരണം
- മാധ്യമപ്രവര്ത്തകരല്ലാതിരുന്നിട്ടും വണ്ടിയില് പ്രസ് ബോര്ഡ്, നികുതി പൂര്ണമായി അടച്ചില്ല; ഇ-ബുള് ജെറ്റ് സഹോദരങ്ങള്ക്ക് പിഴ 43,400 രൂപ
- മോട്ടോര് വാഹന വകുപ്പിന്റെ ഓഫീസിനുള്ളില് നാടകീയ രംഗങ്ങള്, ഉദ്യോഗസ്ഥരോട് തര്ക്കിച്ചു, കംപ്യൂട്ടര് മോണിറ്റര് കൈ തട്ടി വീണു പൊട്ടി, കൃത്യനിര്വഹണം തടസപ്പെടുത്തി; ഇ-ബുള് ജെറ്റ് വ്ളോഗര്മാരുടെ അറസ്
പിഴ അടയ്ക്കാം, ഞങ്ങളെ വെറുതെ വിടണം; കോടതിയില് ഇ ബുള് ജെറ്റ് സഹോദരങ്ങള്
പിഴയടയ്ക്കാന് തങ്ങള് തയ്യാറാണെന്നും വെറുതെ വിടണമെന്നും ഇ ബുള്ജെറ്റ് വ്ളോഗര് സഹോദരങ്ങള്. ജാമ്യാപേക്ഷ പരിഗണിക്കുമ്പോഴാണ് ഇ ബുള് ജെറ്റ് സഹോദരങ്ങളായ ലിബിനും എബിനും ഇക്കാര്യം ആവശ്യപ്പെട്ടത്. നിയമലംഘനങ്ങള്ക്ക് പിഴയൊടുക്കാമെന്നും ജാമ്യം അനുവദിക്കണമെന്നുമാണ് ഇരുവരും കോടതിയില് ആവശ്യപ്പെട്ടത്. എന്നാല്, ജാമ്യാപേക്ഷയില് വിധി പറയാന് മാറ്റി. കള്ളക്കേസില് കുടുക്കി ജയിലിലടയ്ക്കാനാണ് പൊലീസ് ശ്രമമെന്ന് ഇ ബുള് ജെറ്റ് സഹോദരങ്ങളുടെ അഭിഭാഷകന് മുഹമ്മദ് ഫൗസ് ആരോപിച്ചു.
ഇ ബുള്ജെറ്റ് വ്ളോഗര്മാര്ക്കെതിരെ ജാമ്യമില്ലാവകുപ്പുകള് ഉള്പ്പെടെ ആറ് വകുപ്പുകളിലാണ് കേസെടുത്തിരിക്കുന്നത്. ആര്.ടി.ഒ. ഓഫീസില് 7,000 രൂപയുടെ നാശനഷ്ടം വരുത്തിയതായാണ് പ്രധാന പരാതി. ഇതുപ്രകാരം പൊതുമുതല് നശീകരണം തടയല് നിയമത്തിലെ 3(1) വകുപ്പ് പ്രകാരം കേസുണ്ട്. ഒന്ന്പത് വര്ഷം വരെ തടവുശിക്ഷ ലഭിക്കാവുന്ന കുറ്റമാണിത്. ഔദ്യോഗിക കൃത്യനിര്വഹണം തടസ്സപ്പെടുത്തിയതിന് മൂന്നുവര്ഷംവരെ തടവുശിക്ഷ കിട്ടാവുന്ന ഐ.പി.സി. 353-ാം വകുപ്പും ചുമത്തി. ഇവ രണ്ടും ജാമ്യമില്ലാ വകുപ്പുകളാണ്.
മോട്ടോര് വാഹനവകുപ്പ് ഉദ്യോഗസ്ഥര്ക്കെതിരേ വധഭീഷണി മുഴക്കിയതിന് ഐ.പി.സി. 506, ഉദ്യോഗസ്ഥരെ തടഞ്ഞുവെച്ചതിന് ഐ.പി.സി. 341, അതിക്രമിച്ചുകയറിയതിന് ഒരുവര്ഷംവരെ തടവുശിക്ഷ കിട്ടാവുന്ന ഐ.പി.സി. 448 എന്നീ വകുപ്പുകള് പ്രകാരവും ആറുമാസം തടവും 5000 രൂപ പിഴയും ലഭിക്കാവുന്ന കേരള പൊലീസ് ആക്ടിലെ സാംക്രമികരോഗനിയന്ത്രണ നിയമപ്രകാരവും ഇവര്ക്കെതിരേ കേസെടുത്തിട്ടുണ്ട്.
