അനുബന്ധ വാര്ത്തകള്
- സുരക്ഷാ പരിശോധയ്ക്കിടെ കൊച്ചി എയർപോർട്ടിൽ ജീവനക്കാരിയെ അടിവസ്ത്രം കാട്ടി; യാത്ര മുടങ്ങി
- ജോലിയിൽ നിന്ന് പിരിച്ചുവിട്ടു; ജീവനക്കാരി ഹോട്ടൽ ഉടമയുടെ വീടിന് മുന്നിൽ തീകൊളുത്തി മരിച്ചു
- മൃതദേഹത്തിൽ നിന്നും ഒന്നര പവന്റെ മാല മോഷ്ടിച്ചു; ജീവനക്കാരിയെ സസ്പെന്റ് ചെയ്യാൻ ആരോഗ്യമന്ത്രിയുടെ നിർദേശം
- മൃതദേഹത്തിൽ നിന്ന് മാല മോഷ്ടിച്ചു; മെഡിക്കൽ കോളേജ് ജീവനക്കാരി അറസ്റ്റില്; ഇടപെടലുമായി മനുഷ്യാവകാശ കമ്മീഷന്
- വിവാഹ അഭ്യർത്ഥന നിരസിച്ചു; തിരുവനന്തപുരത്ത് ആശുപത്രി ജീവനക്കാരിയെ ഓട്ടോ ഡ്രൈവർ വെട്ടി
താല്ക്കാലിക ജീവനക്കാരിയായ യുവതിയെ കടന്ന് പിടിച്ചു; കാസർകോട് തഹസിൽദാർക്കെതിരെ പീഡന പരാതി
റവന്യൂ ഓഫീസിലെ സ്വീപ്പർ തസ്തികയിലുള്ള താല്ക്കാലിക ജീവനക്കാരിയാണ് പരാതിനൽകിയത്.
കാസർകോട് ജില്ലയിലെ റവന്യൂ റിക്കവറി തഹസിൽദാർക്കെതിരെ യുവതിയുടെ പീഡന പരാതി. ഓഫീസിലെ താല്ക്കാലിക ജീവനക്കാരിയായ യുവതിയെ ഓഫീസർ കടന്ന് പിടിച്ചെന്നും മോശമായി പെരുമാറിയെന്നുമാണ് ആരോപണം. യുവതി നൽകിയ പരാതിയിൽ പൊലീസ് അന്വേഷണം ആരംഭിച്ചു.
റവന്യൂ ഓഫീസിലെ സ്വീപ്പർ തസ്തികയിലുള്ള താല്ക്കാലിക ജീവനക്കാരിയാണ് പരാതിനൽകിയത്. ജോലി ചെയ്യുന്നതിനിടെ ഓഫീസിനകത്ത് വച്ച് റവന്യൂ റിക്കവറി തഹസിൽദാറായ എസ് ശ്രീകണ്ഠൻ നായർ തന്നോട് അപമര്യാദയായി പെരുമാറിയെന്നാണ് യുവതി പരാതിയിൽ പറയുന്നത്. കഴിഞ്ഞമാസമായിരുന്നു പരാതിക്കാരിയായ യുവതി ആറുമാസത്തെ താല്ക്കാലിക കാലാവധിയിൽ ജോലിയിൽ പ്രവേശിക്കുന്നത്.
കഴിഞ്ഞ മാസം പതിനാറിന് രാവിലെയാണ് സംഭവം നടന്നതെന്ന് പരാതിയില് പറയുന്നു. യുവതി തന്റെ പരാതിയിൽ ഉറച്ച് നിന്നതോടെ ജോലിയിൽ നിന്നും പിരിച്ചുവിടുകയും ചെയ്തു. നിലവിൽ പരാതിയില് കാസർകോട് ടൗൺ പൊലീസ് പ്രാഥമിക അന്വേഷണം പൂർത്തിയാക്കി. ഇവർ ജോലി കൃത്യമായി ചെയ്യാത്തതിന് പരാതിക്കാരിയോട് ദേഷ്യപ്പെട്ടിരുന്നെന്നും ഇതാണ് ആരോപണത്തിന് കാരണമെന്നുമാണ് തഹസിൽദാർ പറയുന്നത്. കഴിഞ്ഞ ദിവസം ഈ ഓഫീസർക്ക് തിരുവനന്തപുരത്തേക്ക് ജോലിമാറ്റവും ലഭിച്ചു.
