അനുബന്ധ വാര്ത്തകള്
- ടെലികോം കുടിശിക; തിരക്കിട്ട് നടപടിയെടുക്കേണ്ടെന്ന് തീരുമാനം
- പൗരത്വ ഭേദഗതി നിയമത്തിൽ സ്റ്റേ ഇല്ല; മറുപടി നൽകാൻ കേന്ദ്രത്തിന് നാലാഴ്ച സമയം
- പൗരത്വ നിയമവുമായി ബന്ധപ്പെട്ട് 140 ഹര്ജികള് ഇന്ന് സുപ്രീംകോടതിയുടെ പരിഗണനയിൽ; കേന്ദ്രസർക്കാരിന് നിർണ്ണായകം
- 'കേന്ദ്രത്തിന് എതിരെ ഹര്ജി നല്കുമ്പോള് ഗവര്ണറെ അറിയിക്കേണ്ട ബാദ്ധ്യത സര്ക്കാരിനില്ല' - ആരിഫ് ഖാന് എതിരെ മുന് ഗവര്ണര് പി സദാശിവം
- സർക്കാർ വിശദീകരണം തള്ളി ഗവർണർ, സിപിഎമ്മിന് രൂക്ഷ പരിഹാസം
ദിലീപിന് വേണ്ടി അഭിഭാഷകരുടെ പട;ഹാജരായത് 13 പേര്
കേസില് ദിലീപിനുവേണ്ടി കോടതിയില് അഭിഭാഷകരുടെ പടയാണ് എത്തിയത്.
നടിയെ തട്ടിക്കൊണ്ടുപോയി ആക്രമിച്ച് അപകീര്ത്തികരമായ ദൃശ്യങ്ങള് പകര്ത്തിയ കേസില് സാക്ഷിവിസ്താരം ഇന്നും തുടരും. കേസില് ദിലീപിനുവേണ്ടി കോടതിയില് അഭിഭാഷകരുടെ പടയാണ് എത്തിയത്. 13 അഭിഭാഷകരാണ് കോടതിയില് നടനുവേണ്ടി ഹാജരായത്. പത്തു പ്രതികള്ക്കു വേണ്ടി ആകെ 31 അഭിഭാഷകര് കോടതിയിലെത്തി. അടച്ചിട്ടമുറിയിലേക്ക് ജഡ്ജി, പ്രോസിക്യൂട്ടര്, അന്വേഷണ ഉദ്യോഗസ്ഥന്, അഭിഭാഷകന്, പ്രതികള്, കോടതി സ്റ്റാഫ് തുടങ്ങിയവരെയാണ് പ്രവേശിപ്പിക്കുക.
നടിയെ ആക്രമിച്ച് പ്രതികള് പകര്ത്തിയ അപകീര്ത്തികരമായ ദൃശ്യങ്ങള് വെള്ളിയാഴ്ച കോടതി പരിശോധിച്ചേക്കും. സുരക്ഷിതത്വവും സ്വകാര്യതയും ഉറപ്പുവരുത്തുന്നതിന്റെ ഭാഗമായി കോടതിമുറിയിലേക്ക് മൊബൈല് ഫോണുകള് അനുവദിക്കില്ല. ദേഹപരിശോധന നടത്തിയശേഷമാകും പ്രവേശനം.
ആറുമാസത്തിനകം വിചാരണ പൂര്ത്തിയാക്കണമെന്ന് സുപ്രീംകോടതി നിര്ദേശമുണ്ട്. ആദ്യഘട്ടവിസ്താരം ഏപ്രില് ഏഴുവരെ തുടരും. 136 സാക്ഷികളെ വിസ്തരിക്കും. കുറ്റപത്രത്തിനൊപ്പം മൊത്തം 359 പേരുടെ സാക്ഷിപ്പട്ടിക സമര്പ്പിച്ചിട്ടുണ്ട്. 161 രേഖകളും 250 തൊണ്ടിമുതലുകളുമുണ്ട്.
അടുത്ത ലേഖനം
