അഭിറാം മനോഹർ|
Last Modified ബുധന്‍, 15 നവം‌ബര്‍ 2023 (19:06 IST)
ദൈനംദിന ജീവിതത്തിന്റെ ചിലവ് കുത്തനെ ഉയര്‍ത്തുന്നതാണ് വൈദ്യുതി ബില്‍ എന്ന കാര്യത്തില്‍ സംശയമില്ല. പലപ്പോഴും ചില നിയന്ത്രണങ്ങളിലൂടെ വൈദ്യുതി ബില്ലില്‍ കുറവ് വരുത്താന്‍ നിങ്ങള്‍ക്ക് സാധിക്കും. നിങ്ങളുടെ വീട്ടില്‍ വൈദ്യുതി ബില്‍ അധികമാണെന്ന തോന്നലുണ്ടോ? എങ്കില്‍ ഈ കാര്യങ്ങള്‍ ചെയ്യാന്‍ ശ്രമിക്കാം.
വളരെ ഉയര്‍ന്ന തോതിലാണ് വൈദ്യുത ബില്‍ വരുന്നതെങ്കില്‍ ഉടനെ തന്നെ സോളാര്‍ പാനലുകള്‍ ഉപയോഗിക്കുക. ദീര്‍ഘക്കാലത്തേയ്ക്ക് നിങ്ങളുടെ പണം ലാഭിക്കാന്‍ ഇത് സഹായിക്കും. വൈദ്യുതി ഉപഭോഗം കുറയ്ക്കാന്‍ എപ്പോഴും ഹൈ സ്റ്റാര്‍ ഇലക്ട്രോണിക്‌സ് ഉല്‍പ്പന്നങ്ങള്‍ മാത്രം ഉപയോഗിക്കുക.
വളരെ ചൂടുള്ള വസ്തുക്കള്‍ ഫ്രിഡ്ജിനുള്ളില്‍ സൂക്ഷിക്കരുത്, ഇത് വൈദ്യുതി ഉപഭോഗം വര്‍ദ്ധിപ്പിക്കും. ഇക്കാര്യം അതിനാല്‍ പ്രത്യേക ശ്രദ്ധ നല്‍കേണ്ടതാണ്. എല്‍ഇഡി ബള്‍ബിന് വൈദ്യുതി ഉപഭോഗം വളരെ കുറവാണ്, അതിന്റെ പ്രകാശം വ്യക്തവും കണ്ണുകള്‍ക്ക് ദോഷകരമല്ലാത്തതുമാണ്. അതിനാല്‍ ബള്‍ബുകള്‍ എല്‍ഇഡിയിലേക്ക് മാറ്റാം. തീര്‍ത്തും ആവശ്യമുള്ളപ്പോള്‍ മാത്രം ഫാനുകളും ലൈറ്റുകളും ഓണാക്കുക, അല്ലാത്തപക്ഷം അവ സ്വിച്ച് ഓഫ് ചെയ്യുക.
പകല്‍ സമയത്ത് നിങ്ങളുടെ വീട്ടില്‍ വെളിച്ചമുണ്ടെങ്കില്‍, ആ സമയത്ത് ലൈറ്റുകള്‍ ഓഫ് ചെയ്യുക. 24 ഡിഗ്രി സെന്റിഗ്രേഡ് താപനിലയില്‍ നിങ്ങള്‍ വീട്ടില്‍ എസി പ്രവര്‍ത്തിപ്പിക്കുക, ഇത് ബില്‍ കുറയ്ക്കാന്‍ സഹായിക്കും. ചാര്‍ജിംഗ് ബള്‍ബുകളും ഫാനുകളും ഇന്‍സ്റ്റാള്‍ ചെയ്യുക. ഇതും വൈദ്യുത ബില്‍ കുറയ്ക്കാന്‍ നിങ്ങളെ സഹായിക്കും.
