അനുബന്ധ വാര്ത്തകള്
- സംസ്ഥാനത്ത് വീണ്ടും നിപ! സ്ഥിരീകരിച്ചത് മലപ്പുറത്തെ 14കാരന്
- കോഴിക്കോട് നിപ സംശയിച്ച പതിനാലുകാരന് ചെള്ള് പനി സ്ഥിരീകരിച്ചു; ആരോഗ്യനില അതീവഗുരുതരം
- കോഴിക്കോട് വീണ്ടും നിപയെന്ന് സംശയം; പതിനാലുകാരന്റെ സ്രവം പരിശോധനയ്ക്കു അയക്കും
- നിരോധിത പ്ലാസ്റ്റിക്ക് ക്യാരി ബാഗുകളും ഉല്പ്പന്നങ്ങളും ഉപയോഗിക്കുന്നവര്ക്കെതിരെ കര്ശന നടപടി: മുഖ്യമന്ത്രി
- പുതുക്കിയ മഴ മുന്നറിയിപ്പ്: നാലുജില്ലകളില് ഓറഞ്ച് അലര്ട്ട്, യെല്ലോ അലര്ട്ട് അഞ്ചുജില്ലകളില്
നിപ: ഈ ലക്ഷണങ്ങള് ഉണ്ടെങ്കില് ശ്രദ്ധിക്കണം
സംസ്ഥാനത്ത് വീണ്ടും നിപ സ്ഥിരീകരിച്ചിരിക്കുകയാണ്. മലപ്പുറം പാണ്ടിക്കാട് സ്വദേശിയായ കുട്ടിക്കാണ് രോഗം സ്ഥിരീകരിച്ചത്. ഈ സാഹചര്യത്തില് മുന്കരുതലുകള് എടുക്കണമെന്ന് ആരോഗ്യവകുപ്പ് അറിയിച്ചിട്ടുണ്ട്. പക്ഷി മൃഗാദികളുടെ കടിയേറ്റതോ നിലത്ത് വീണു കിടക്കുന്നതോ ആയ പഴങ്ങള് ഉപയോഗിക്കരുത്. പഴങ്ങള് നന്നായി കഴുകിയ ശേഷം മാത്രം കഴിക്കുക. തുറന്ന് വച്ച കലങ്ങളില് സൂക്ഷിച്ച കള്ള് പോലെയുള്ള പാനീയങ്ങള് ഉപയോഗിക്കാതിരിക്കുക. നിപ പോലുള്ള സാഹചര്യങ്ങളില് തെറ്റായ വാര്ത്തകളും പ്രചരണങ്ങളും തിരിച്ചറിയാനും തള്ളിക്കളയാനും എല്ലാവരും ശ്രദ്ധിക്കുകയും ശരിയായ വിവരങ്ങള്ക്ക് സര്ക്കാര് കേന്ദ്രങ്ങളെ പിന്തുടരുകയും ചെയ്യണമെന്ന് മുന്നറിയിപ്പുണ്ട്.
പനിയോടൊപ്പം ശക്തമായ തലവേദന,ക്ഷീണം, ഛര്ദ്ദി, തളര്ച്ച, ബോധക്ഷയം, കാഴ്ച മങ്ങുക എന്നിവയാണ് നിപയുടെ പ്രധാന രോഗ ലക്ഷണങ്ങള്. ഇത്തരം ലക്ഷണങ്ങള് ശ്രദ്ധയില് പെട്ടാല് ഉടനെ ആരോഗ്യ കേന്ദ്രങ്ങളിലെത്തി ചികിത്സ തേടണം. ശരീര സ്രവങ്ങള് വഴിയാണ് രോഗം പകരുന്നത്. അതുകൊണ്ട്തന്നെ ചുമക്കുമ്പോഴും തുമ്മുമ്പോഴുമുള്ള ചെറു സ്രവകണങ്ങള് മറ്റുള്ളവരിലേക്ക് പകരാതിരിക്കാന് മാസ്ക് ഉപയോഗിക്കണം.
