അർജന്റീനയ്ക്ക് നീലയും വെള്ളയും ഇല്ല; ഇംഗ്ലണ്ടിനെതിരെ ഇറങ്ങുക എവേ ജേഴ്സിയിൽ
ബുധനാഴ്ച അറ്റ്ലാന്റയിലാണ് ഇംഗ്ലണ്ട് - അർജന്റീന പോരാട്ടം
Lionel Messi - Argentina Away Jersey
ഇംഗ്ലണ്ടിനെതിരായ ലോകകപ്പ് സെമി ഫൈനലിന് അർജന്റീന ഇറങ്ങുക എവേ ജേഴ്സിയിൽ. നീലയും വെള്ളയും കലർന്ന ഹോം ജേഴ്സി ഇത്തവണ അർജന്റീനയ്ക്കില്ല. അതേസമയം ഇംഗ്ലണ്ടിന് അവരുടെ വെള്ള ഹോം ജേഴ്സി ധരിച്ചിറങ്ങാം.
ബുധനാഴ്ച അറ്റ്ലാന്റയിലാണ് ഇംഗ്ലണ്ട് - അർജന്റീന പോരാട്ടം. ഗ്രൂപ്പ് ഘട്ടത്തിൽ ജോർദാനെതിരെ നേവി ബ്ലൂ എവേ സ്ട്രിപ്പിലും ബ്ലാക്ക് ഷോർട്ട്സിലുമാണ് അർജന്റീന ഇറങ്ങിയത്. ഈ ജേഴ്സിയാണ് സെമി ഫൈനലിലും ധരിക്കുക.
1986 ലെ ലോകകപ്പ് ക്വാർട്ടറിൽ ഇംഗ്ലണ്ടിനെ അർജന്റീന നേരിട്ടത് എവേ ജേഴ്സിയിലാണ്. ആ മത്സരത്തിലാണ് ഡീഗോ മറഡോണയുടെ 'ഹാൻഡ് ഓഫ് ഗോഡ്' ഗോളും നൂറ്റാണ്ടിന്റെ ഗോളും പിറന്നതെന്ന പ്രത്യേകതയും ഉണ്ട്. രാജ്യാന്തര ഫുട്ബോളിൽ അർജന്റീന നായകൻ ലയണൽ മെസി ആദ്യമായാണ് ഇംഗ്ലണ്ടിനെതിരെ കളിക്കാൻ ഇറങ്ങുന്നത്.
