ടോവിനോ തോമസ് നായകനായെത്തുന്ന 'കള' റിലീസിന് ഒരുങ്ങുകയാണ്. മാര്‍ച്ച് തന്നെ ചിത്രം തിയേറ്ററുകളില്‍ എത്തിക്കാനുള്ള തയ്യാറെടുപ്പിലാണ് അണിയറ പ്രവര്‍ത്തകര്‍. അതിനുള്ള സൂചന ടോവിനോ നല്‍കി. ഏറ്റവും അടുത്തു തന്നെ ചിത്രത്തിന് റിലീസ് ഉണ്ടാകും എന്നാണ് നടന്‍ കുറിച്ചത്. ആരാധകരെ ആവേശത്തിലാക്കുന്ന ഒരു പോസ്റ്ററും നടന്‍ പങ്കുവെച്ചു.

മുടിയും താടിയും നീട്ടി വളര്‍ത്തിയ നടന്റെ രൂപത്തില്‍ നിന്നു തന്നെ വ്യക്തമാണ് ചിത്രം എങ്ങനെ ഉള്ളതായിരിക്കും എന്നത്. നിലനില്‍പ്പിന്റെ ഭാഗമായി ഏതൊരു മനുഷ്യന്റെ ഉള്ളിലും ഒരു ഭയം ഉണ്ടാകും. അത്തരത്തില്‍ മനുഷ്യരില്‍ ഉണ്ടാകുന്ന ഭയത്തെയാണ് സിനിമ വരച്ചു കാണിക്കുന്നതെന്ന് സംവിധായകന്‍ രോഹിത് വി എസ് പറഞ്ഞിരുന്നു. ഇതുവരെ പുറത്തുവന്ന പോസ്റ്റുകളിലെല്ലാം 'കള' എന്ന ടൈറ്റിലിന് ചുവന്ന ഫോണ്ട് ആയിരുന്നു നല്‍കിയിരിക്കുന്നത്. അടുത്തിടെ പുറത്തുവന്ന ടീസറും പ്രേക്ഷകര്‍ക്ക് പുതിയൊരു അനുഭവം സമ്മാനിച്ചു.
പല കാരണങ്ങള്‍ കൊണ്ട് തന്റെ ഉള്ളില്‍ ഉണ്ടാകുന്ന ഭയത്തെ നേരിടുന്നതിനായി പദ്ധതിയൊരുക്കുന്ന ടോവിനോ കഥാപാത്രത്തിന്റെ പുറത്തുവന്ന ഓരോ പോസ്റ്റുകളും കാണാം.