അനുബന്ധ വാര്ത്തകള്
- 'യോദ്ധാ'യിലെ മോഹന്ലാല്, 30 വര്ഷങ്ങള് മുമ്പ്, അപൂര്വ ചിത്രവുമായി നന്ദു
- ഓണക്കാലത്ത് ഏറ്റുമുട്ടി മമ്മൂട്ടിയും മോഹന്ലാലും; ഒടുവില് പപ്പയുടെ സ്വന്തം അപ്പൂസ് വമ്പന് ഹിറ്റ്, യോദ്ധ ശരാശരിയില് ഒതുങ്ങി
- ഫാസില് സംവിധായകന്, മമ്മൂട്ടി നടന്; ആ സിനിമയില് ബാലതാരമായി ഫഹദ് എത്തി (വീഡിയോ)
- മമ്മൂട്ടിയുടെ നായികയായി അഭിനയിച്ച സീന ദാദിയെ ഓര്മയുണ്ടോ?
- ഉര്വശി ആ കഥാപാത്രം ചെയ്തത് മോഹന്ലാലും ജഗതിയും വിളിച്ചതുകൊണ്ട് മാത്രം; ഇല്ലെങ്കില് മറ്റൊരു നടി അഭിനയിച്ചേനെ !
പപ്പയുടെ സ്വന്തം അപ്പൂസിന് മുന്നില് പിടിച്ചുനില്ക്കാന് കഴിയാതെ യോദ്ധ; മോഹന്ലാല്-മമ്മൂട്ടി പോരില് ജയം മെഗാസ്റ്റാറിനൊപ്പം
മമ്മൂട്ടി-മോഹന്ലാല് സിനിമകളുടെ വാശിയേറിയ പോരാട്ടമാണ് മലയാളികള് 1992 ലെ ഓണക്കാലത്ത് കണ്ടത്. മോഹന്ലാല് ചിത്രം യോദ്ധയും മമ്മൂട്ടി ചിത്രം പപ്പയുടെ സ്വന്തം അപ്പൂസും തമ്മിലായിരുന്നു ബോക്സ്ഓഫീസ് പോരാട്ടം. ഇതില് ഏത് സിനിമയായിരിക്കും അക്കാലത്ത് സൂപ്പര്ഹിറ്റായത്? മമ്മൂട്ടിയാണോ മോഹന്ലാലാണോ ഓണക്കാലത്ത് വിജയിച്ചത്? ഉത്തരം ഇതാ
1992 സെപ്റ്റംബര് മൂന്നിനാണ് സംഗീത് ശിവന് സംവിധാനം ചെയ്ത യോദ്ധ തിയറ്ററുകളിലെത്തിയത്. ഒരു ദിവസത്തിനു ശേഷം സെപ്റ്റംബര് നാലിന് ഫാസില് സംവിധാനം ചെയ്ത മമ്മൂട്ടി ചിത്രം പപ്പയുടെ സ്വന്തം അപ്പൂസ് തിയറ്ററുകളിലെത്തി. ഇതില് ബോക്സ്ഓഫീസില് ഏറ്റവും വലിയ വിജയമായത് മമ്മൂട്ടി ചിത്രമാണ്. മോഹന്ലാല് ചിത്രം ശരാശരിക്ക് മുകളില് നില്ക്കുന്ന വിജയമായിരുന്നു. പപ്പയുടെ സ്വന്തം അപ്പൂസിനേക്കാള് ചെലവ് കൂടിയ ചിത്രം കൂടിയായിരുന്നു യോദ്ധ.
അക്കാലത്തെ സിനിമ വാരികകളില് നിന്ന് ലഭിക്കുന്ന റിപ്പോര്ട്ട് അനുസരിച്ച് 200 ല് കൂടുതല് ദിവസങ്ങള് പപ്പയുടെ സ്വന്തം അപ്പൂസ് തിയറ്ററുകളില് പ്രദര്ശിപ്പിച്ചു. യോദ്ധ നൂറിലേറെ ദിവസം പ്രദര്ശിപ്പിച്ചതായാണ് റിപ്പോര്ട്ട്. മമ്മൂട്ടി-ഫാസില് കൂട്ടുകെട്ടിന് അക്കാലത്ത് കുടുംബപ്രേക്ഷകര്ക്കിടയില് വലിയ സ്വീകാര്യതയുണ്ടായിരുന്നു. കുടുംബപ്രേക്ഷകര്ക്കിടയില് മമ്മൂട്ടിയുടെ താരമൂല്യവും ഉയര്ന്നു നില്ക്കുന്ന കാലഘട്ടമായിരുന്നു. പപ്പയുടെ സ്വന്തം അപ്പൂസ് വമ്പന് വിജയമാകാന് കാരണമായ ഘടകങ്ങള് ഇതെല്ലാമാണ്. എന്നാല്, തിയറ്ററുകളില് വമ്പന് ഹിറ്റ് ആയില്ലെങ്കിലും പില്ക്കാലത്ത് പപ്പയുടെ സ്വന്തം അപ്പൂസിനേക്കാള് പ്രേക്ഷകര്ക്കിടയില് ചര്ച്ചയായ സിനിമ യോദ്ധയാണ്.
